ვიღაცას შეიძლება ცრუ წარმოდგენა შეექმნას, რომ გალაკტიონის აზრით, „ყაზბეგები ბევრი გვყავს.“ ამ შემთხვევაში რამდენი - რამოდენას, ნამდვილად დიდ კაცს - ალექსანდრე ყაზბეგს ნიშნავს!

ჩვენ ძალიან გაგვიმართლა მეცხრამეტე საუკუნის 80-იან წლებში. ამ პერიოდშია დაწერილი ვაჟა-ფშაველას დიდი პოემები და ამავე პერიოდში, ვაჟა-ფშაველას პარალელურად, გამოჩნდა ალექსანდრე ყაზბეგი.

„ალექსანდრე ყაზბეგმა უბრალო ხალხი მიიყვანა წიგნთან. ხალხი ჟურნალებს მიადგა, რედაქციასთან მიტინგები იმართებოდა, რასაც მოჰყვა წარმოუდგენელი რამ მსოფლიო ლიტერატურის ისტორიაში - ავტორს მკვდარი პერსონაჟი გააცოცხლებინეს და გააგრძელებინეს მისი ნაწარმოები - „ელგუჯა“. წარმოიდგინეთ სახალხო სიყვარულის ეს დონე!“

ლევან ბერძენიშვილის საავტორო გადაცემა - „მთა და ლიტერატურა“

ყოველკვირეული გადაცემა, მთასთან დაკავშირებული ავტორების, მათი ნაწარმოებების და პერსონაჟების შესახებ. გადაცემის ყოველი ახალი ჩანაწერი ხუთშაბათობით, ვებგვერდ - Mtisambebi.ge-ზე გამოქვეყნდება. მისი მოსმენა პანკისის სათემო რადიო WAY-ის მსმენელებსაც შეეძლებათ ყოველ შაბათს, 18:00 საათიანი საინფორმაციო გამოშვების დასრულებისთანავე.