100 წამი მთის ამბებზე

კვირა, 22 დეკემბერი 2024

ვასილ მაისურაძე რაჭიდან - 100 წამი მთის ამბებზე

რუსული კანონი გააქრობს დამოუკიდებელ მედიას და საზოგადოებრივ ორგანიზაციებს, როგორც ეს პუტინის რუსეთში მოხდა.

როცა დაგჩაგრავენ, აღარავინ იქნება, ვინც თქვენს პრობლემას გააშუქებს და გვერდში დაგიდგებათ.

„მთის ამბები“ „ქართული ოცნების“ რუსულ განზრახვას ბოლომდე გაუწევს წინააღმდეგობას!

21:17 - 13 თებერვალი 2019

8506

დატოვე კომენტარი

100 წამი მთის ამბებზე

ტექსტის ზომა ფონტის ზომის ცვლილება ფონტის ზომის დაპატარავება

„1991 წელს რომ ამოტრიალდა ყველაფერი, მას შემდეგ ჩიხში ვართ. რამდენიმე ხანში შესული დავრჩით. თვეში 2-ჯერ მაინც იყოს მანქანა, რომ ონამდე ჩავიდეთ, ან წამალი ვიყიდოთ ან რამე. 4-ზე ნაკლები მგზავრი თუ იყო, ეზარება მძღოლს ამოსვლა, 5 და 6 ადამიანი კი ხანდახან ვეღარ ვგროვდებით“, - ვასილ მაისურაძე ერთ-ერთია იმ რამდენიმე ადამიანიდან, ვინც სოფელი ირი არც 28 წლის წინ მომხდარი ძლიერი მიწისძვრის და არც რუსეთ-საქართველოს 2008 წლის ომის შემდეგ არ მიატოვა.

ირი ბოლო ქართული სოფელია ონი - ცხინვალის გზაზე. ირიდან 2 კილომეტრში რუსი სამხედროები დგანან. ირელებს ყველაზე მეტად ომის შემდეგ გაუჭირდათ: ოკუპანტებმა ონი-ცხინვალის გზა ჩაკეტეს, ადგილობრივები სოფელ კვაისასთან ახლომდებარე საძოვრებსა და სათიბებსაც ვეღარ იყენებენ.

„ორი ავტომატიანი რუსი რომ გადმოვიდეს, აქედან წამოგვრეკავს ჩვენი საქონლიანად და გადაგვიყვანენ კვაისაში. სახელმწიფოს არ უნდა ჰქონდეს საზღვარი? არ უნდა იყოს დაცული? ონამდე ისე ჩავლენ, კაციშვილი წინ ვერ დაუდგებათ, მთელ ამ ხეობას დავკარგავთ, ათამდე სოფელს“.