ხეცურიანმა ფინალში გერმანელი მეტოქე ანგარიშით 15:4 დაამარცხა. ამავე ჩემპიონატზე ქართველმა პარასპორტსმენმა რაპირაში გამართულ შეჯიბრებაში ბრინჯაოს მედალიც მოიგო.  

ირმა ხეცურიანმა ეტლით მოსარგებლეთა ფარიკაობაში ვარჯიში 3 წლის წინ დაიწყო. ეს მისი მეხუთე მედალია კარიერაში. ირმა ხეცურიანი არის კანადის გრანპრის ბრინჯაოს და მსოფლიო ჩემპიონატზე მოპოვებული ვერცხლის მედლების მფლობელი. ვერცხლის და ბრინჯაოს მედლები აქვს მოგებული პოლონეთის ღია ჩემპიონატზეც.

პიზაში გამართულ რაპირით ფარიკაობაში ბრინჯაოს მედალი მოიგო საქართველოს ეტლით მოფარიკავეთა ნაკრების კიდევ ერთმა წევრმა, ნინი თიბილაშვილმა.