საქართველოს პრემიერ-მინისტრის განცხადებით, 2017 წლის იანვარ-სექტემბერში, ვიზიტორთა რიცხვი წინა წლის შესაბამის პერიოდთან შედარებით 33%-ით გაიზრდა და 860 ათას კაცს მიაღწია. მათგან თითქმის ნახევარი უცხოელი იყო, მსოფლიოს 97 ქვეყნიდან.

„ადგილობრივ მოსახლეობას, ისეთი პროგრამების მეშვეობით, როგორიცაა მიკროგრანტების პროგრამა ან „უმასპინძლე საქართველოში“, აქვს შესაძლებლობა, წამოიწყოს მცირე ბიზნესი და არჩინოს საკუთარი ოჯახი. მარტო მარტვილის კანიონისა და მისი შემოგარენის მოსახლეობისთვის შემოსავლებმა 3 მილიონ 500 ათასი ლარი შეადგინა. ეს სწორედ იმით არის განპირობებული, რომ იქ აშენდა ვიზიტორთა ცენტრი და მოეწყო ინფრასტრუქტურა“, - განაცხადა გიორგი კვირიკაშვილმა.  

დაცული ტერიტორიების სააგენტოს მონაცემებით, 2017 წლის იანვრიდან - 30 სექტემბრის ჩათვლით, ყველაზე მეტი ვიზიტორი - 147,982 ადამიანი პრომეთეს მღვიმეს სტუმრობდა, 141,513 - მარტვილის კანიონს, ყაზბეგის ეროვნულ პარკს კი 132,392.