მისი ინფორმაციით, რეინჯერების ნაწილი ანდაქის ხეობიდან დღეს დაბრუნდა, ფშავ–ხევსურეთის ეროვნული პარკის თანამშრომლები კი იქ რჩებიან, რომ ხანძრის ახალი კერა არ გაჩნდეს.

ანდაქის ხეობაში, სოფლების ბახაოს და ანდაქის ტერიტორიაზე, ასევე ხიდოტნის მთაზე ცეცხლი რამდენიმე ჰექტარზე გუშინ გავრცელდა. ბახაოში ტოლხა ზვიადაურის საცხოვრებელი სახლი და საქონლის სადგომი დაიწვა. ცეცხლი ძირითადად სათიბ საძოვრებსა და ბახაოს ზემოთ ფიჭვნარს ეკიდა. წინასწარი ინფორმაციით, ხანძარი ერთ–ერთი ადგილობრივის დაუდევრობით გაჩნდა.

ანდაქის ხეობაში სამანქანო გზებიც არ არის. ამიტომ, ხანძრის ჩაქრობაში რეინჯერები და ადგილობრივები მონაწილეობდნენ.