• ვიდეოოპერატორი / დრონის ოპერატორი - ანაზღაურება განისაზღვრება კანდიდატის კვალიფიკაციისა და გამოცდილების გათვალისწინებით;
• გამომძიებელი ჟურნალისტი - ანაზღაურება განისაზღვრება კანდიდატის კვალიფიკაციისა და გამოცდილების გათვალისწინებით;
• მძღოლი/ასისტენტი - საწყისი ანაზღაურება 2500 ლარი;

ხელფასი მითითებულია გადასახადების ჩათვლით.

***

დამატებითი ბენეფიტები:

• ჯანმრთელობის დაზღვევა;
• ტრენინგებსა და გაცვლით პროგრამებში მონაწილეობით პროფესიული ზრდის შესაძლებლობა;

ვიდეოოპერატორი / დრონის ოპერატორი

ძირითადი მოვალეობები: საქართველოს ამბები / მთის ამბებისთვის საგამოძიებო და დოკუმენტური ფილმების, აქტუალურ საკითხებზე სიუჟეტების, რეპორტაჟების, გადაცემების გადაღების დაგეგმვა, პროფესიონალური გადაღება. საჭიროებისამებრ გადაცემების ჩაწერა საველე პირობებში; ნაკლებად გამოცდილი თანამშრომლების (უმცროსი ან/და სტაჟიორი ოპერატორების) ინსტრუქტაჟი.

მოთხოვნები: ოპერატორად მედიაში მუშაობის სულ მცირე 5 წლის გამოცდილება; შემოქმედებითი ხედვა; გამოხატული ყურადღება დეტალების მიმართ; დრონის მართვის კარგი ცოდნა (მიიჩნევა უპირატესობად); კრეატიულობა, ენერგიულობა; ეფექტური კომუნიკაციის უნარები.

გამომძიებელი ჟურნალისტი

ძირითადი მოვალეობები: საინტერესო და აქტუალურ საკითხებზე სიღრმისეული რეპორტაჟების და ჟურნალისტური გამოძიებების მომზადება; საგამოძიებო და დოკუმენტური ფილმების შექმნის პროცესში აქტიური მონაწილეობა; ინფორმაციის წყაროებთან მუშაობა; ინფორმაციის გამოთხოვა ადმინისტრაციული ორგანოებიდან, საინტერესო და საეჭვო ფაქტების გამოვლენა და შესწავლა.

საკვალიფიკაციო მოთხოვნები: რეპორტიორად ეთიკურ მედიაში მუშაობის სულ მცირე 3 წლის გამოცდილება; უმაღლესი განათლება ჟურნალისტიკის ან მომიჯნავე სფეროში; თხრობისა და წერის კარგი უნარები; მონაცემთა ბაზებთან მუშაობის გამოცდილება; მულტიმედია წარმოების გამოცდილება; სოციალური მედიის ცოდნა; ინგლისური ენის ცოდნა;

მძღოლი-ასისტენტი

ძირითადი მოვალეობები: კომპანიის კუთვნილი ავტომობილით თანამშრომლებისა და პროექტთან დაკავშირებული სხვა პირების ტრანსპორტირება თბილისსა და რეგიონებში; ავტომობილის გამართული ტექნიკური მდგომარეობის კონტროლი; ავტომობილის მოვლა, სისუფთავეზე ზრუნვა; საწვავის ხარჯის აღრიცხვა და ტრანსპორტირების უწყისის შევსება; საქართველოს ამბების / მთის ამბების გადამღები ჯგუფის დახმარება საველე და საოფისე სამუშაოებში.

საკვალიფიკაციო მოთხოვნები: ავტომობილის მართვის B კატეგორია; ავტომობილის მართვის სრულყოფილი უნარები (აუცილებელია); სულ მცირე 3 წლიანი პრაქტიკული და ინტენსიური გამოცდილება (სავალდებულოა); მოძრაობის წესებისა და საავტომობილო გზების კარგი ცოდნა თბილისსა და საქართველოს რეგიონებში (აუცილებელია); კომპიუტერული საოფისე პროგრამების ცოდნა.

***

დაინტერესებულმა პირებმა უნდა გამოგზავნოთ CV (ვიდეოოპერატორის ან ჟურნალისტის პოზიციაზე დამატებით თქვენს მიერ ბოლო ერთ წელში შექმნილი 2 ჟურნალისტური ნამუშევრის ბმული / სიუჟეტი, რეპორტაჟი ან სხვა) მისამართზე: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript. სათაურში აუცილებლად მიუთითეთ პოზიციის დასახელება, რაზედაც შემოგაქვთ განაცხადი. შეგიძლიათ პირდაპირ შეავსოთ ანკეტა და გამოგზავნოთ. 

განაცხადის შემოტანის ბოლო ვადაა 2025 წლის 5 აგვისტო. გასაუბრების მიზნით მხოლოდ შერჩეულ პირებს დავუკავშირდებით. შესაძლოა, ონლაინგასაუბრება ჩაინიშნოს და კანდიდატი შეირჩეს მითითებული ვადის ამოწურვამდე.

„საქართველოს ამბები“ (https://georgiannews.ge/) დამოუკიდებელი, საზოგადოებრივ-პოლიტიკური ონლაინგამოცემაა, რომელიც მკითხველს სთავაზობს ფაქტებზე დაფუძნებულ, მიუკერძოებელ ახალ ამბებს, ანალიტიკური და საგამოძიებო შინაარსის მედიაპროდუქტს. გამოცემა ინფორმაციას ავრცელებს ოთხ ენაზე - ქართულად, სომხურად, აზერბაიჯანულად და ინგლისურად. „საქართველოს ამბებს“ ეკუთვნის „მთის ამბები“ (https://mtisambebi.ge/) მაღალმთიან რეგიონებზე ფოკუსირებული ერთადერთი მედიარესურსი საქართველოში. „მთის ამბები“ ქმნის კონსტრუქციული ჟურნალისტიკის პირველ პრეცედენტს ქვეყანაში, ბოლომდე მიჰყვება თემებს და ცდილობს, თავისი ჟურნალისტური საქმიანობითა და აქტიური სამოქალაქო მობილიზებით, მოქალაქეებთან ერთად დაწყებული ადვოკატირების კამპანიებით ცვლილებები გამოიწვიოს.