აპლიკაციაში ინტეგრირებული რუკები იძლევა დამატებით ინფორმაციას საბაგიროებისა და სასრიალო გზების რაოდენობის, მდგომარეობისა და ტიპის შესახებ.

აპლიკაციას აქვს ფუნქცია, რომლითაც რეგისტრირებული მომხმარებელი საკუთარი სრიალის დღეების დაფიქსირებას და GPS მონაცემების შენახვასაც შეძლებს.

ერთ-ერთი მთავარი ფუნქცია სამაშველო სამსახურის გამოძახებაა, რომელიც ღილაკის მარტივი დაჭერით ხორციელდება.

საქართველოს მთის კურორტების განვითარების კომპანიის დირექტორის სანდრო ონოფრიშვილის განცხადებით, აღნიშნული აპლიკაცია საქართველოს სამთო-სათხილამურო კურორტების პოპულარიზაციის ერთ-ერთი საუკეთესო საშუალებაა და აქტიურად შეუწყობს ხელს ცნობადობის ამაღლებას და ვიზიტორების რიცხვის ზრდას.

მობილური აპლიკაცია მთის კურორტების განვითარების კომპანიისდაკვეთით ავსტრიულმა კომპანიამ „INTERMAPS“-მა შექმნა. კომპანიას დღეისთვის მსგავსი აპლიკაცია შექმნილი აქვს 2200 კურორტისთვის, რომლებიც 2,9 მილიონ მომხმარებელს აერთიანებს. დღეიდან კი უკვე ავსტრიის, საფრანგეთის, შვეიცარიის და სხვა წამყვან კურორტებს შორის, საქართველოს სამთო-სათხილამურო კურორტებიცფიგურირებს.