საიტის მენიუ

სოციალური ქსელები

     

დაისვენე მთაში „მთის ამბებთან“ ერთად - ვუერთდებით კამპანიას #დაისვენესაქართველოში

15:04 - 23 ივნისი 2019 hits 17014
ტბათანა, თუშეთის ნასოფლარი - პანკისის სათემო რადიოს ფოტო
ბიზნესი
ტბათანა, თუშეთის ნასოფლარი - პანკისის სათემო რადიოს ფოტო

თუ შენც ფიქრობ, რომ წლევანდელი ზაფხული პუტინის ემბარგოს გამო საქართველოში უნდა გაატარო, დაეხმარო ადგილობრივ ტურიზმს და საკუთარი ქვეყანაც უკეთ გაიცნო, #წამომთაში.

მთა, რომელიც ოდითგანვე ქვეყნის საზღვარსაც იცავდა და ღირსებასაც, დღესაც ისეთ თავგადასავლებს დაგახვედრებს, სხვაგან რომ ვერ ნახავ.

ვაჟას გზით ჩარგლიდან ივრის ხეობაში; საქართველოს თავისუფლებისთვის ღალატით მოკლული მიხა ხელაშვილის სოფელში; გუდამაყრელი დედაკაცების სახნავ-სამკალზე; ხახაბოს მცველთან - 79 წლის მარიამ მინდიკაურთან; ქეთოსთან - მუცოს კოშკების პატარა პრინცესასთან; არდოტელების სამოთხეში ნიკო არდოტელთან; თუშეთის სოფლებში - თუშნი ბუდეს მოწყვეტილი მერცხლებივით რომ დაფანტულან; ცადაწვდენილი კლდეებით გარშემორტყმულ და ხევსურული დიალექტით მდიდარ არხოტში; თრუსოს ხეობაში - სადაც თერგი ჯერ კიდევ რბის და ღრიალებს; რაჭაში, გათითოკაცებულ სოფლებში სტუმრის დანახვა ყველაზე მეტად რომ უხარიათ და აიმედებთ; სვანეთში - „კლდის ვეფხვის“ ნაკვალევზე - მთა ყველგან გიხმობს!

„მთის ამბები“ შეგარჩევინებს:

✅ სასურველ ადგილებს, რომ ხელსაყრელ ფასში კარგად დაისვენო;

✅ მარშრუტებს;

✅ სერვისებს (მასპინძელს - საოჯახო სასტუმროს, მთის ტრადიციულ სამზარეულოს; უსაფრთხო ტრანსპორტს; ცხენებით მომსახურების სერვისს; კვალიფიციურ ადგილობრივ საფეხმავლო და სამთო გიდებს).

✅ გაგაცნობთ „მთის ამბების“ გმირებს, რომლებიც თავისი კუთხეების შესახებ საინტერესო ამბებს მოგიყვებიან.

მოგვწერე ჯგუფში წამო მთაში.

Mtisambebi.ge

„მთის ამბები“ დამოუკიდებელი საინფორმაციო ონლაინგამოცემაა. ვებგვერდს მართავს საინფორმაციო ცენტრების ქსელი.

საქართველოს ამბები

ამავე რუბრიკაში

ვაკანსიები მთაში

თავში