4817 
მანანა საღლიანი სვანეთში დაგეგმილი ჰესების მშენებლობის ერთ-ერთი მოწინააღმდეგეა. მოსარჩელე სასამართლოში მისი გათავისუფლების მოტივად, ჰესების მშენებლობის წინააღმდეგ მის აქტიურობას ასახელებდა. მანანა საღლიანი სამსახურიდან 2018 წლის 29 ივნისს გაათავისუფლეს. ამას წინ უძღოდა მესტიის მუნიციპალიტეტის მიერ დაფუძნებული ა(ა)იპ-ების რეორგანიზაცია, რომლის დროსაც, სამსახურიდან ასევე გათავისუფლდნენ მესტიაში ჰესების მშენებლობის მოწინააღმდეგე აქტივისტები - ნარგის ნიგურიანი და მაია კახიანი.
მანანა საღლიანის ინტერესებს სასამართლოში „ადამიანის უფლებების სწავლებისა და მონიტორინგის ცენტრი“ იცავდა.
