საიტის მენიუ

სოციალური ქსელები

     

მთის ამბები / საქართველოს ამბები აცხადებს ვაკანსიებს

რუსული კანონი გააქრობს დამოუკიდებელ მედიას და საზოგადოებრივ ორგანიზაციებს, როგორც ეს პუტინის რუსეთში მოხდა.

როცა დაგჩაგრავენ, აღარავინ იქნება, ვინც თქვენს პრობლემას გააშუქებს და გვერდში დაგიდგებათ.

„მთის ამბები“ „ქართული ოცნების“ რუსულ განზრახვას ბოლომდე გაუწევს წინააღმდეგობას!

18:39 - 01 აპრილი 2024 hits 39198

საქართველოს ამბები / მთის ამბები თბილისის ოფისში, სრული სამუშაო დატვირთვით აცხადებს ვაკანსიებს შემდეგ პოზიციებზე:

  • ფოტოგრაფი (ფოტორეპორტიორი) - ხელფასი განისაზღვრება კანდიდატის კვალიფიკაციისა და გამოცდილების გათვალისწინებით; 
  • იურისტი - 3000 ლარი;
  • პროექტის კოორდინატორი - 2500 ლარი;
  • ციფრული არხების რეპორტიორი - 2500 ლარი (საწყისი);

ანაზღაურება მითითებულია გადასახადების ჩათვლით. დისტანციურად მუშაობა ან მომსახურების გაწევა არცერთ პოზიციაზე არ განიხილება.

ფოტოგრაფი (ფოტორეპორტიორი)

ძირითადი მოვალეობები: მთის ამბები / საქართველოს ამბებისთვის აქტუალურ საკითხებზე ფოტორეპორტაჟების მომზადება თბილისიდან და საქართველოს რეგიონებიდან; ინტერვიუს ან სხვა სტატიებისთვის საჭირო ფოტოების გადაღება; ორგანიზაციის მიერ დაგეგმილი ადვოკატირების კამპანიების თუ სხვა ღონისძიებების ფარგლებში აქტივობების გადაღება, საჭიროების შემთხვევაში გადაღებული ფოტოების დამუშავება.

მოთხოვნები: ფოტოგრაფად მედიაში მუშაობის გამოცდილება; შემოქმედებითი ხედვა; გამოხატული ყურადღება დეტალების მიმართ; გრაფიკული პროგრამების საბაზისო ცოდნა ფოტოების დასამუშავებლად; კრეატიულობა, ენერგიულობა; ეფექტური კომუნიკაციის უნარები.

ფოტორეპორტიორის პოზიციაზე დაინტერესებულმა პირებმა CV-თან ერთად უნდა გამოგზავნოთ, თქვენს მიერ, სოციალურ თემაზე და საპროტესტო აქციებზე, ბოლო 1 წლის განმავლობაში გადაღებული 2 რეპორტაჟის ბმული.

იურისტი

ძირითადი მოვალეობები: განცხადებების, საჩივრების, სარჩელების მომზადება და საქმეების წარმოება ადმინისტრაციულ ორგანოებში, სასამართლოში წარმომადგენლობის განხორციელება; ადამიანის უფლებების დარღვევის და კორუფციის ფაქტებზე ინფორმაციის შეგროვება, შემოწმება და დამუშავება; საგამოძიებო ვიდეოფილმების შექმნაში, ადვოკატირების კამპანიების დაგეგმვასა და განხორციელებაში აქტიური მონაწილეობა;

მოთხოვნები: უმაღლესი იურიდიული განათლება; იურისტად მუშაობის გამოცდილება (სასურველია); საადვოკატო საქმიანობის უფლება საერთო სპეციალიზაციით (სასურველია); ინგლისური ენის კარგი ცოდნა (მიიჩნევა უპირატესობად); ფაქტების გადამოწმების მეთოდებისა და ტექნიკების ცოდნა; საჯარო რეესტრის, შესყიდვების სააგენტოს ბაზებთან, სხვა ონლაინ რესურსებთან მუშაობის ცოდნა; რთული თემების დამუშავება და გასაგებად თხრობა/წერა.

 

პროექტის კოორდინატორი [ადვოკატირების მიმართულება]

ძირითადი მოვალეობები: პროექტით გათვალისწინებული ან/და ახალი აქტივობების დაგეგმვა და შესრულება; მაღალმთიან და ეთნიკური უმცირესობებით დასახლებულ რეგიონებში მოსახლეობასთან სამუშაო შეხვედრების ჩატარება; პრობლემების კვლევა, ინფორმაციის შეგროვება და დამუშავება; პრობლემების გადაწყვეტის ხელშეწყობის მიზნით ადვოკატირების კამპანიების დაგეგმვასა და განხორციელებაში აქტიური მონაწილეობა; „მთის ამბების“ (Mtisambebi.ge) საქმიანობაში ჩართულობა.

მოთხოვნები: უმაღლესი განათლება; ქართულ ენაზე გამართულად მეტყველებისა და წერის კარგი უნარები; ინგლისური ენის კარგი ცოდნა (მიიჩნევა უპირატესობად); რეგიონების სპეციფიკის ცოდნა (მიიჩნევა უპირატესობად); ავტომობილის მართვის B კატეგორია და მართვის კარგი გამოცდილება (მიიჩნევა უპირატესობად); გუნდური მუშაობისა და ეფექტური კომუნიკაციის უნარები.

 

ციფრული არხების რეპორტიორი

ძირითადი მოვალეობები: სოციალური ქსელებისთვის (Facebook, YouTube, Instagram, X, Tik-tok) კონტენტის შექმნა, Live ჩართვების (რეპორტაჟების) მომზადება აქტუალური მოვლენების ადგილიდან.

მოთხოვნები: ინგლისური ენის კარგი ცოდნა (მიიჩნევა უპირატესობად); სოციალური პლატფორმების (Facebook, YouTube, Instagram, X, Tik-tok) მართვისა და აუდიტორიის კვლევის ცოდნა; გამართული მეტყველებისა და წერის უნარები; გრაფიკული პროგრამების საბაზისო ცოდნა (Photoshop, Illustrator, Premiere Pro); მსგავს პოზიციაზე მუშაობის გამოცდილება (მიიჩნევა უპირატესობად); გუნდური მუშაობის უნარი.

დაინტერესებულმა პირებმა უნდა გამოგზავნოთ CV და მოკლე სამოტივაციო წერილი მისამართზე: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.  სათაურში აუცილებლად მიუთითეთ პოზიციის დასახელება, რაზედაც შემოგაქვთ განაცხადი. განაცხადის შემოტანის ბოლო ვადაა 2024 წლის 30 მაისი. გასაუბრების მიზნით მხოლოდ შერჩეულ პირებს დავუკავშირდებით. შესაძლოა, ონლაინგასაუბრება ჩაინიშნოს და კანდიდატი შეირჩეს მითითებული ვადის ამოწურვამდე.

„საქართველოს ამბები“ (https://sakartvelosambebi.ge) დამოუკიდებელი, საზოგადოებრივ-პოლიტიკური ონლაინგამოცემაა, რომელიც მკითხველს სთავაზობს ფაქტებზე დაფუძნებულ, მიუკერძოებელ ახალ ამბებს, ანალიტიკური და საგამოძიებო შინაარსის მედიაპროდუქტს. „საქართველოს ამბებისთვის“ პრიორიტეტულია რეგიონების, მათ შორის, ოკუპირებული და ეთნიკური უმცირესობებით დასახლებული მხარეების გაშუქება. გამოცემა ინფორმაციას ავრცელებს ოთხ ენაზე - ქართულად, სომხურად, აზერბაიჯანულად და ინგლისურად. რაც შეეხება „მთის ამბებს“ (https://mtisambebi.ge/) მაღალმთიან რეგიონებზე ფოკუსირებული ერთადერთი მედიარესურსია საქართველოში. „მთის ამბები“ ქმნის კონსტრუქციული ჟურნალისტიკის პირველ პრეცედენტს ქვეყანაში, ბოლომდე მიჰყვება თემებს და ცდილობს, თავისი ჟურნალისტური საქმიანობითა და აქტიური სამოქალაქო მობილიზებით, მოქალაქეებთან ერთად დაწყებული ადვოკატირების კამპანიებით, ცვლილებები გამოიწვიოს.

Mtisambebi.ge

„მთის ამბები“ დამოუკიდებელი საინფორმაციო ონლაინგამოცემაა. ვებგვერდს მართავს საინფორმაციო ცენტრების ქსელი.

საქართველოს ამბები

ვაკანსიები მთაში

თავში