23745 
კაფე „ჭალადში“ დასაქმებულმა ორმა ქალმა სტიქიას რამდენიმე წამით გაასწრო და ცოცხლები გადარჩნენ. კაფის შენობა სახურავამდე ქვა-ღორღშია მოქცეული.
როგორც „მთის ამბებს“ ადგილობრივმა მცხოვრებმა დავით ფალიანმა უთხრა, მოსახლეობა ენერგეტიკის სამინისტროს და ჰესის მშენებელ კომპანიას აფრთხილებდა, რომ მესტიაჭალაზე ჰიდროელექტროსადგურის მშენებლობა დაუშვებელი იყო, თუმცა ჰესი მაინც ააშენეს.
„წვიმის დროს მდინარე ყოველთვის დიდდებოდა, მაგრამ რაც ჩამოჰქონდა, იმის გატანას ახერხებდა. ახლა ვეღარ გაატარა, წყალი ხიდთან დაგუბდა, მერე გამოხეთქა და დაანგრია იქაურობა. რამდენიმე მანქანა მდინარეში გდია, ჩამარხულიც იყო. ღმერთმა ქნას მსხვერპლი არ იყოს“.
საგანგებო სიტუაციების მართვის სამსახურის წარმომადგენლის რატი მუჯირის განცხადებით, მდინარემ ჰესის მიმდებარე ტერიტორია მთლიანად დატბორა, დაზიანებულია ხიდები და სხვა ინფრასტრუქტურა: „მდინარის იქით დარჩენილია 5 ტურისტი, რომლებიც მაშველებს შემოვლითი გზით უსაფრთხო ადგილას გამოჰყავთ. ასევე, მიმდებარე ტერიტორიაზე გაჩერებული იყო 5 მანქანა, რომელიც მდინარემ წაიღო. ჩვენი ინფორმაციით, მსხვერპლი არ არის, თუმცა მიმდინარეობს გადამოწმება“.
ამ თემაზე:
„მესტიაჭალაზე ჰესი არ უნდა აეშენებინათ - მყინვარული მდინარეა, პროგნოზი შეუძლებელია“
სტიქიის დროს მოსახლეობა წალეკვას ჰესმა გადაარჩინა - მესტიის მერი
