საიტის მენიუ

სოციალური ქსელები

ონში ერთ კვირაში 2 მიწისძვრა მოხდა

22:23 - 07 აპრილი 2019 hits 981

სეისმური მონიტორინგის ეროვნული ცენტრის ინფორმაციით, 3.7 მაგნიტუდის სიმძლავრის მიწისძვრა მოხდა ქალაქ ონში. მიწისქვეშა ბიძგები 7 აპრილს, 21:37 საათზე დაფიქსირდა.

საქართველოში ეს დღეს უკვე მეორე მიწისძვრაა. 12:27 საათზე, 4.6 მაგნიტუდის სიმძლავრის მიწისძვრა მოხდა კახეთში, დედოფლისწყაროს მუნიციპალიტეტში. ნგრევა არცერთ მიწისძვრას არ მოჰყოლია.

ონის მუნიციპალიტეტში, სოფელ ქვედთან ახლოს 3.5 მაგნიტუდის სიმძლავრის მიწისძვრა 2 აპრილსაც მოხდა.

რაჭა მაღალი სეისმურობით გამოირჩევა. 1991 წლის 29 აპრილს, 09:12 საათზე მომხდარი მიწისძვრის სიმძლავრე 6.9 მაგნიტუდა იყო, ეპიცენტრში კი ინტენსივობა 9 ბალს აღწევდა. მიწისძვრის ეპიცენტრი რაჭისა და იმერეთის მაღალმთიან სოფლებში მდებარეობდა. მიწისძვრას მსხვერპლი მოჰყვა. 2009 წლის 8 სექტემბერს ონის რაიონში კიდევ ერთი ძლიერი მიწისძვრა მოხდა, რომლის სიმძლავრეც 6.2 მაგნიტუდა იყო.

Mtisambebi.ge

„მთის ამბები“ დამოუკიდებელი საინფორმაციო ონლაინგამოცემაა. ვებგვერდს მართავს საინფორმაციო ცენტრების ქსელი.

ამავე რუბრიკაში

ვაკანსიები მთაში

თავში