„მსოფლიო რუკაზე ეს საოცარი ქალაქები და სოფლები პატარა წერტილებით არის აღნიშნული (თუკი საერთოდ დატანილია მასზე). საოცარი სილამაზის მიუხედავად, ისინი რჩებიან ისეთივე პატარებად, როგორებიც არიან.“

ტაილანდის, ჩეხეთის, მაროკოს, იტალიის, გაერთიანებული სამეფოს, ესპანეთის, მექსიკისა და არაერთი სხვა ქვეყნის საუცხოო ქალაქებს შორის, ყაზბეგის მუნიციპალიტეტის დაბა - სტეფანწმინდაც მოხვდა.

„არქიტექტურა და ბუნებრივი სილამაზე ქმნის ამ იშვიათ მიმზიდველობას. დაბის ნებისმიერი წერტილიდან მოჩანს გორა, რომელზეც XIV საუკუნის გერგეტის სამების ეკლესია და სამრეკვლო მდებარეობს, მათ უკან კი თოვლით დაფარული მყინვარწვერი მოჩანს.

ბუნებრივ სილამაზესთან ერთად, სტეფანწმინდა იდეალური ადგილია დასაბანაკებლად და ყაზბეგის ეროვნული პარკის ცხელი წყაროების, ჩანჩქერების, მჟავე თუ გაზიანი წყლებისა და ტბების აღმოსაჩენად.

აქედან რუსეთის სახელმწიფო საზღვრამდე სულ რამდენიმე კილომეტრია, თუმცა ეს არ არის მაინცდამაინც სასიამოვნო საუბრის თემა ახლახანს გათავისუფლებული, ამ საოცრად მეგობრული, მართლმადიდებელი ქრისტიანებისთვის. უმჯობესია განიხილოთ, თეთრი ღვინო ჯობს თუ წითელი - ღვინოზე გადარეულ ამ ქვეყანაში ვაზის 500-ზე მეტი ჯიში აქვთ, მოსახლეობა კი სულ რაღაც 3.5 მილიონია.“