მეტაფორულად, ვაჟაც მთაა, იმ თვალსაზრისით, რომ მთა ზნეობრივი სიმაღლის, ადამიანური გამბედაობის, ვაჟკაცობის სიმბოლოა და ვაჟა-ფშაველა, რომელსაც გალაკტიონმა გმირი ვაჟა უწოდა, არის კიდეც ქართული მთის ერთ-ერთი ყველაზე უფრო მნიშვნელოვანი და გამორჩეული სიმბოლო.

„ვაჟა-ფშაველა არ ეტევა და ვერც ჩაეტეოდა მთის, ვერც ქართული მთის, ვერც საქართველოს, ევროპის თუ მსოფლიო მასშტაბში. ის სამყაროს ავტორია. დადგება დრო, როდესაც უცხო ცივილიზაციები მოგვაგნებენ და მხოლოდ ჩაკრულოთი არ დაინტერესდებიან. ვაჟა-ფშაველა ის სიმაღლეა, რომლითაც შეუძლია იამაყოს მთელმა კაცობრიობამ, მთელმა დედამიწამ.“  

ლევან ბერძენიშვილის საავტორო გადაცემა - „მთა და ლიტერატურა“

ყოველკვირეული გადაცემა, მთასთან დაკავშირებული ავტორების, მათი ნაწარმოებების და პერსონაჟების შესახებ. გადაცემის ყოველი ახალი ჩანაწერი ხუთშაბათობით, ვებგვერდ - Mtisambebi.ge-ზე გამოქვეყნდება. მისი მოსმენა პანკისის სათემო რადიო WAY-ის მსმენელებსაც შეეძლებათ ყოველ შაბათს, 18:00 საათიანი საინფორმაციო გამოშვების დასრულებისთანავე.