ხიდის სარეაბილიტაციო სამუშაოებს ტენდერში გამარჯვებული სამშენებლო კომპანია - შპს „ლიდერი+“ ასრულებს.

როგორც კომპანიაში აცხადებენ, ამ დროისთვის ერთი ბურჯის მშენებლობა უკვე დასრულებულია და მეორე ბურჯის გამაგრებითი და ბურღვითი სამუშაოები მიმდინარეობს.

მესტიის გამგეობასთან გაფორმებული ხელშეკრულების თანახმად, ხიდის სარეაბილიტაციო სამუშაოები 2017 წლის 30 მაისამდე უნდა დასრულდეს.

ხიდის რეაბილიტაციისთვის 21 218 ლარი სოფლის მხარდაჭერის პროგრამიდან არის გამოყოფილი, 78 274 ლარი კი საქართველოს მთავრობის სტიქიის სალიკვიდაციო ღონისძიებების პროგრამიდან.

მოსახლეობის საყოველთაო აღწერის მონაცემებით, ლახამულას თემში 249, ქვედა იფარში კი 33 ადამიანი ცხოვრობს.