ამერიკელ კინომწარმოებლებს ისეთ ფილმებზე აქვთ ნამუშევარი როგორებიცაა: „TRANSFORMERS“, „ STAR WARS: The Force Awakens“, „SKY FALL“, “NEVER LET ME GO“ და ა.შ.

ტურის ფარგლებში, 28 აპრილიდან 1-ლი მაისის ჩთვლით, ამერიკელი პროდიუსერები ესტუმრებიან თბილისს, რუსთავს, ჭიათურას, უფლისციხეს, ციხისძირსა და ბათუმს.

სააგენტოს „აწარმოე საქართველოში“ დირექტორის, მიხეილ ხიდურელის განცხადებით, მნიშვნელოვანია, რომ აღნიშნული ვიზიტი ხელს შეუწყობს საქართველოს პოპულარიზაციას, ქვეყანაში კინოინდუსტრიის წახალისებას და საქართველოს, როგორც აღმოსავლეთ ევროპის კინოგადაღების ცენტრად ქცევას.

სააგენტოს ინფორმაციით, პროგრამისადმი „გადაიღე საქართველოში“ ინტერესი საკმაოდ მაღალია. 2016 წლიდან 20 განაცხადია შესული. უკვე განხორციელებული და მიმდინარე პროექტების ჯამური ინვესტიციის მოცულობა 39.8 მლნ ლარია. პროგრამა კინოწარმოებით დაინტერესებულ ადგილობრივ თუ საერთაშორისო პროდიუსერებს შესაძლებლობას აძლევს საქართველოში გადაიღონ ფილმი ან სხვა სახის აუდიო/ვიზუალური პროდუქცია და კვალიფიციური ხარჯების 20-25%-მდე უკან დაიბრუნონ.