საიტის მენიუ

სოციალური ქსელები

     

ჩარგალში დღეს „ვაჟაობა“ იმართება

11:34 - 29 ივლისი 2017 hits 11805

დუშეთის მუნიციპალიტეტში, ვაჟა-ფშაველას მშობლიურ სოფელ ჩარგალში, დღეს სახალხო დღესასწაული „ვაჟაობა“ იმართება.

„ვაჟაობაზე“, ტრადიციულად, სპორტული და კულტურული ღონისძიებები ჩატარდება. მათ შორის: ფოლკლორული კონცერტი, სპორტული თამაშობები, ხალხური რეწვის ნიმუშების გამოფენა, ჭიდაობა და დოღი.

ვაჟა-ფშაველას სახლ-მუზეუმის ეზოში გაიხსნება ლიტერატურის სახელმწიფო მუზეუმში დაცული ვაჟა-ფშაველას პირადი ნივთების, ხელნაწერებისა და უნიკალური ფოტოების გამოფენა. 

მაღაროსკარის ადმინისტრაციულ ერთეულში, გამგებლის წარმომადგენლის, როლანდ ზურაბაშვილის თქმით, ამ დროისთვის ჩარგალში 400-დან 500-მდე ადამიანია შეკრებილი.

„ზუსტად არ ვიცი რომელ საათზე დაიწყება ღონისძიებები, თავიდან თქვეს 12-ზე, შემდეგ გადაიტანეს“, - აღნიშნავს როლანდ ზურაბაშვილი.

სახალხო დღესასწაულზე ტრადიციულად გაიმართება დოღი „ვაჟაობის მხედარი“. 15:00 საათზე კი ამფითეატრში დაგეგმილია გალა კონცერტი, რომელშიც მონაწილეობას მიიღებენ ფოლკლორული ჯგუფები, ჯაზ-ფოლკ ბენდი, ანსამბლი „ალილო“ და შემოქმედებითი გაერთიანება „ეროვნული იმპერატივი“.

Mtisambebi.ge

„მთის ამბები“ დამოუკიდებელი საინფორმაციო ონლაინგამოცემაა. ვებგვერდს მართავს საინფორმაციო ცენტრების ქსელი.

საქართველოს ამბები

ამავე რუბრიკაში

ვაკანსიები მთაში

თავში