საიტის მენიუ

სოციალური ქსელები

     

მესტია-ჰაწვალის საბაგიროს მშენებლობა წლის ბოლომდე დაიწყება

11:46 - 16 დეკემბერი 2016 hits 8639

მესტია-ჰაწვალის დამაკავშირებელი საბაგიროს მშენებლობა წლის ბოლომდე დაიწყება, – ამის შესახებ ფინანსთა მინისტრმა დიმიტრი ქუმსიშვილმა განაცხადა.

მისი თქმით, აღნიშნულ გზაზე ზამთარში გადაადგილება გართულებულია და ტურისტებს დიდ უხერხულობას უქმნის.

„საბაგიროს სპეციფიკისთვის არსებობს ორი ვარიანტი. პირველი ეს არის მუზეუმის მიმდებარედ სკამებიანი საბაგირო. მეორე კი სასტუმრო „თეთნულდის“ მიმდებარედ გონდოლის ტიპის საბაგიროს მშენებლობა. ეს არის პრემიერ-მინისტრის ერთ-ერთი ყველაზე პრიორიტეტული პროექტი, რომელსაც მთელი ეკონომიკური გუნდი მხარს უჭერს და ჩვენ ამას აუცილებლად გავაკეთებთ,“ - აღნიშნა ქუმსიშვილმა.

ფინანსთა სამინისტროს ინფორმაციით, მესტია – ჰაწვალის საბაგირო გზის მშენებლობისთვის ბიუჯეტიდან 20 მილიონი ლარი გამოიყოფა.

სამთო–სათხილამურო ტრასა ჰაწვალი მესტიიდან 8 კილომეტრში მდებარეობს.

Mtisambebi.ge

„მთის ამბები“ დამოუკიდებელი საინფორმაციო ონლაინგამოცემაა. ვებგვერდს მართავს საინფორმაციო ცენტრების ქსელი.

საქართველოს ამბები

ამავე რუბრიკაში

ვაკანსიები მთაში

თავში