საიტის მენიუ

სოციალური ქსელები

      

გარდაიცვალა მსახიობი გუჯა ბურდული

11:21 - 05 მარტი 2022 hits 1016

კორონავირუსის შემდგომი გართულებებით, 81 წლის ასაკში მსახიობი გუჯა ბურდული გარდაიცვალა. გუჯა ბურდული ჯანმრთელობის მძიმე მდგომარეობით საავადმყოფოში 18 თებერვლიდან იყო მოთავსებული.

გუჯა ბურდული თბილისში 1941 წლის 1-ელ აპრილს დაიბადა. 1969 წლამდე საქართველოს ტექნიკური უნივერსიტეტში სამშენებლო ფაკულტეტზე სწავლობდა. 1974 წლიდან აქტიურად დაიწყო კინოროლების თამაში. 1984 წლიდან გახდა კინოსტუდია „ქართული ფილმის“ მსახიობი. ცნობილია მთავარი როლით თეიმურაზ ბაბლუანის ფილმიდან „უძინართა მზე“.

სხვადასხვა დროს კინოროლები აქვს შესრულებული ფილმებში: 1980 - „ბეღურების გადაფრენა“ (კაცი ბეღურათი) რეჟ. თემურ ბაბლუანი; 1984 - „ადამიანთა სევდა“ რეჟ. გოდერძი ჩოხელი; 1988 - „აღდგომის ბატკანი“ რეჟ. გოდერძი ჩოხელი; 1992 - „მოკვეთილი“ (ხევისბერი) რეჟ. გიორგი მატარაძე; 2003 - „ფოსტალიონი“ (მილერი) რეჟ. ნანა ჯორჯაძე; 2007 - „სვანი“ (მღვდელი) რეჟისორები იოსებ (სოსო) ჯაჭვლიანი, ბადრი ჯაჭვლიანი და სხვა.

Mtisambebi.ge

„მთის ამბები“ დამოუკიდებელი საინფორმაციო ონლაინგამოცემაა. ვებგვერდს მართავს საინფორმაციო ცენტრების ქსელი.

საქართველოს ამბები

ვაკანსიები მთაში

თავში