როგორც „მთის ამბებს“ რეგიონული განვითარებისა და ინფრასტრუქტურის სამინისტროში განუცხადეს, რეაბილიტაციის პროცესში განახლდება ყაზბეგის სახლმუზეუმი (2 ისტორიული შენობა) და მუზეუმის ადმინისტრაციისთვის განკუთვნილი შენობა. გარდა ამისა, კეთილმოეწყობა მუზეუმის ეზოც. სამინისტროს ინფორმაციით, სარეაბილიტაციო სამუშაოები შეთანხმებულია კულტურული მემკვიდრეობის სააგენტოსთან.

ალექსანდრე ყაზბეგის მამისეული ორსართულიანი სახლი, სადაც ამჟამად სტეფანწმინდის ისტორიული მუზეუმიც არის განთავსებული, 1809–1814 წლებშია აშენებული. იქვეა კარის ეკლესია და მწერლის საფლავიც.

სტეფანწმინდის ისტორიული მუზეუმი 1934 წელს დაარსდა. მუზეუმში განთავსებულია ალექსანდრე ყაზბეგის კუთვნილი ნივთები, ავეჯი, რეგიონის ყოფის ამსახველი ეთნოგრაფიული, არქეოლოგიური მასალა და ბეთლემის გამოქვაბულიდან ჩამოტანილი კარი, ჯაჭვი, შანდლები, ლურსმნები და საეკლესიო სიწმინდეების შესანახი ხის ყუთები.

მუზეუმი გასული საუკუნის 90–იანი წლების შემდეგ აღარ შეკეთებულა და ამჟამად მძიმე მდგომარეობაშია.  

მუზეუმში 17 859 ექსპონატია. მას ყოველწლიურად 4 000-ზე მეტი ადამიანი ათვალიერებს.

ყაზბეგის მუზეუმის რეაბილიტაციის სამობილიზაციო სამუშაოები უკვე დაწყებულია. რეაბილიტაცია 2018 წლის იანვარში უნდა დასრულდეს.

ალექსანდრე ყაზბეგის მუზეუმის რეაბილიტაცია დაიწყო

ალექსანდრე ყაზბეგის მუზეუმის რეაბილიტაცია დაიწყო

ალექსანდრე ყაზბეგის მუზეუმის რეაბილიტაცია დაიწყო

ალექსანდრე ყაზბეგის მუზეუმის რეაბილიტაცია დაიწყო