Մենյու

Հետևեք մեզ

      

Հրապարակվել են որոշ առարկաների, այդ թվում Հայոց լեզվի քննական թեստերը

15:56 - 29 Հուլիս 2022 hits 469

Գնահատման և քննությունների ազգային կենտրոնը հրապարակել է ուսուցիչների որակավորման քննությունների մի շարք առարկաների քննական թեստերը: 2022 թվականի ուսուցիչների քննությունների թեստերը հրապարակվել են հետևյալ առարկաներից՝ Կենսաբանություն, Աշխարհագրություն, Ֆիզիկա, Մաթեմատիկա, Ադրբեջաներեն, Հայոց լեզու և Վրացերենը, որպես երկրորդ լեզու:

Քննական թեստերին ծանոթանալու համար կարող եք անցնել հղումով՝ naec.ge:

Գնահատման և քննությունների ազգային կենտրոնի ղեկավար Սոփիո Գորգոձեի խոսքով, միասնական ազգային քննությունների, ուսուցիչների որակավորման և մյուս քննությունների արդյունքները կհրապարակվեն հաջորդ շաբաթվանից՝ օգոստոսի 1-ից:

«Արդյունքները բողոքարկել հնարավոր կլինի բոլոր առարկաների նախնական գնահատականների հրապարակումից հետո»,- ասել է Գորգոձեն:

Գնահատման և քննությունների ազգային կենտրոնի տեղեկատվության համաձայն՝ շուրջ 100 դիմորդի համար արդեն անցկացվել է լրացուցիչ քննություն, որոնց թվում կան թե դիմորդներ, թե ուսանողներ և թե ուսուցիչներ: Մի քանի առարկաներից դեռ լրացուցիչ քննություններ են անցկացվում։

Հուլիսի 4-ին մեկնարկած 2022 թվականի միասնական ազգային քննություններին գրանցվել էր ավելի քան 41000 դիմորդ, որոնցից մինչ այժմ ​​քննություններին մասնակցել է ավելի քան 94 տոկոսը։

Ուսուցչի առարկայական և մասնագիտական ​​ունակությունների քննություններին գրանցվել է ավելի քան 34500-ը, որոնցից քննություններին մասնակցել է մինչև 85%, իսկ ուսանողների դրամաշնորհային մրցույթին մասնակցել է գրանցվածների ավելի քան 71%-ը։

Mtisambebi.ge

«Մթիս ամբեբի»-ն անկախ առցանց լրատվական հրատարակություն է: Կայքը կառավարվում է տեղեկատվական կենտրոնների ցանցի կողմից

Ետ