«Մեզ մոտ բավականին հանգիստ իրավիճակ է: Ունենք վարակման դեպքեր, թեև այն լիովին կառավարելի է, նվազագույն մակարդակի վրա է։ Որոշ երկրներում այն ​​համեմատաբար ավելի բարձր է։ Մեր դեպքում կտրուկ աճ չկա։ Եթե ​​համեմատենք թվերը, օրինակ՝ մեկ շաբաթ առաջ օրական 100 դեպք էր գրանցվել, ապա այսօր 3,7 միլիոնանոց երկրում ունենք 500 նոր դեպք»,- ասել է Ազարաշվիլին։

Առողջապահության նախարարը հորդորել է բնակիչներին չանհանգստանալ և անպայման պատվաստվել:

«Ուզում եմ հանգստացնել բնակչությանը, որ նյարդայնության և սթրեսի պատճառ չկա, նրանք, ովքեր հիվանդանոցում բուժման կարիք կունենան, մենք պատրաստ ենք նրանց բուժել հիվանդանոցում, իսկ նրանց, ում հատուկ դեղամիջոցներ անհրաժեշտ կլինեն կորոնավիրուսի դեմ, մենք ունենք նաև այդ դեղերը:

Ցանկացողները նաև կարող են շարունակել պատվաստումը տարբեր տեսակի պատվաստանյութերով»,- ասաց նախարարը։

Ավելի վաղ իմունիզացիայի տեխնիկական խորհրդատուների ազգային խմբի ղեկավար Իվանե Չխաիձեն լրատվամիջոցների համար հրավիրված մամուլի ասուլիսում հայտարարել է, որ եթե ​​կորոնավիրուսի դեպքերի շաբաթական ցուցանիշը կրկնապատկվի, համակարգող և իմունիզացիայի խորհուրդները հավանաբար կքննարկեն վիճակագրության ամենօրյա հրապարակման և փակ տարածքներում դիմակ կրելու կանոնի վերականգնման հարցը։

Վարակաբանները կարծում են, որ աշնանը երկրում սպասվում է կորոնավիրուսային համաճարակի գագաթնակետը։ Նրանք նաև նշել են կոնկրետ ամիսը և գործածել հատուկ տերմին սպասվող սցենարի վերաբերյալ: Նրանց խոսքով վարակի տարածման նոր ալիքը կլինի հոկտեմբերին և այն կունենա «ցունամիի» էֆեկտ:

Վերջին երկու շաբաթվա ընթացքում երկրում կորոնավիրուսով վարակման դեպքերը կրկնապատկվել են: Ապրիլին վարակի նահանջից հետո, առաջին անգամ 7 օրյա դրականության ցուցանիշը գերազանցում է 4 տոկոսը:

Վերջին մեկ շաբաթվա վիճակագրությունը Հիվանդությունների վերահսկման և հանրային առողջության կենտոնը դեռ չի հրապարակել: