Ինչպես ասվում է Եկամուտների ծառայության հայտարարությունում, դիմումների էլեկտրոնային ներկայացումը խրախուսելու և հեռավար ծառայությունները հանրաճանաչացնելու նպատակով ընթացիկ տարվա հուլիսի 11-ից քաղաքացիները (որոնք ունեն Եկամուտների ծառայության ավտորիզացված էջ) հետևյալ դիմումները պետք է ներկայացնեն էլեկտրոնային ձևաչափով՝

• Ձեռնարկատեր ֆիզիկական անձին փոքր բիզնեսի կարգավիճակի շնորհում,
• Ֆիզիկական անձին սեփական եկամուտների մասին տեղեկանքի տրամադրում,
• Գրանցում, որպես ԱԱՀ վճարող:

Ծառայության տեղեկությամբ, արդեն ավելի քան 60 000 ֆիզիկական անձի բջջային հեռախոսահամարներին ուղարկվել է կարճ տեքստային հաղորդագրություն:

«Ծառայությունների զարգացման ռազմավարության շրջանակներում ինքնասպասարկումը խրախուսելու նպատակով Եկամուտների ծառայությունում արդեն հնարավոր է ստանալ 452 էլեկտրոնային ծառայություն»,- հայտնում են Եկամուտների ծառայությունից։

Լրացուցիչ տեղեկության համար կարող եք այցելել հղումով։