Քննաթերթիկի վրա առանձնացված է քննական կենտրոնի հասցեն, յուրաքանչյուր քննության ժամը, քննության համար գրանցման մեկնարկի ժամը և կարևոր խորհուրդներ: Առանց անձը հաստատող փաստաթղթի և A4 ձևաչափի քննաթերթիկի քննության մասնակիցները չեն կարողանա մուտք գործել քննական կենտրոն:

Քննաթերթիկը տպելու համար պետք է այցելել online.naec.ge կայքէջ, հավաքել անձնական համարը և կենտրոնի կողմից ուղարկված կոդն ու մուտք գործել անձնական էջ, որտեղ կա համապատասխան կոճակ`(„დაბეჭდეთ თქვენი საგამოცდო ბარათი“) քննաթերթիկը տպելու համար:

Վրաստանում 2022 թվականի միասնական ազգային քննությունները կսկսվեն հուլիսի 4-ից:

Քննությունները կսկսվեն Վրաց լեզու և գրականություն առարկայով և կավարտվեն հուլիսի 22-ին՝ Քաղաքացիական կրթության քննությամբ: 1+4 ծրագրով ԲՈՒՀ-եր ընդունվող դիմորդները Ընդհանուր ունակությունների քննությունը կհանձնեն հուլիսի 19-ին:

Հուլիսի 6-ին կանցկացվի ուսանողների դրամաշնորհային մրցույթը:

Ընդհանուր մագիստրոսական քննությունները տեղի կունենան հուլիսի 26-ին և 27-ին:

Ուսուցիչների և ուսուցիչ դառնալու ցանկություն ունեցող դիմորդների քննությունները կմեկնարկեն հուլիսի 6-ից:

• Հուլիսի 6- Ավագ հատուկ ուսուցիչների քննություն,
• Հուլիսի 7- Վրաց լեզու և գրականություն, Մաթեմատիկա և Բնական գիտություններ,
• Հուլիսի 7– Մաթեմատիկա, Երաժշտություն, Քաղաքացիական կրթություն
• Հուլիսի 14 և 15- Մասնագիտական ​​ունակություններ,
• Հուլիսի 14 – Կենսաբանություն
• Հուլիսի 15– Աշխարհագրություն, Ադրբեջաներեն լեզու,
• Հուլիսի 19 - Քիմիա
• Հուլիսի 20- Վրաց լեզու և գրականություն, Մաթեմատիկա, Հայոց լեզու,
• Հուլիսի 21– Պատմություն, Կերպարվեստ և կիրառական արվեստ, Սպորտ, Ֆիզիկա,
• Հուլիսի 22- Օտար լեզուներ, վրացերենը որպես երկրորդ լեզու և Տեղեկատվական և հաղորդակցական տեխնոլոգիաներ՝ գրավոր մաս,
• Հուլիսի 24 - Տեղեկատվական և հաղորդակցական տեխնոլոգիաներ՝ գործնական մաս,
• Հուլիսի 25 - Օտար լեզուներ, վրացերենը որպես երկրորդ լեզու՝ գործնական մաս:

Կրթության նախարարության տվյալներով՝ ազգային ​​քննություններին գրանցվել է ավելի քան 41000 դիմորդ։ Ուսանողների դրամաշնորհային մրցույթին գրանցվել է ավելի քան 2500 մարդ, մագիստրոսական քննություններին`ավելի քան 9500, իսկ ուսուցչի առարկայական ու մասնագիտական ​​ունակությունների քննություններին գրանցվել է ավելի քան 34 500 մարդ:

Նշենք, որ ԿԳ նախարարության որոշմամբ՝ քննական կենտրոններում դիմակ կրելու պարտավորությունը հանվել է: