Այս գրառումը արված է Եվրոպական միության կողմից այսօր ընդունված բանաձում, որը վերաբերում է Վրաստանում ԶԼՄ-ների ազատության և լրագրողների անվտանգության ոտնահարմանը։

Բանաձևի համաձայն՝ ԵՄ-ն անհանգստացած է Վրաստանի քաղաքականության և տնտեսության մեջ միակ օլիգարխ Բիձինա Իվանիշվիլիի ապակառուցողական դերով, ինչպես նաև կառավարության և նրա որոշումների նկատմամբ վերահսկողության մակարդակով, ներառյալ լրագրողների և քաղաքական հակառակորդների հանդեպ հետապնդումները:

«ԵՄ-ն խորապես մտահոգված է Կրեմլի հետ Իվանիշվիլիի անձնական և գործարար կապերով, որոնք «որոշում են Վրաստանի ներկայիս կառավարության դիրքորոշումը Ռուսաստանի դեմ պատժամիջոցների հարցում»»,- ասվում է բանաձևում։

Գնահատելով բանաձևի այս հատվածը՝ «Վրացական երազանքի» նախագահ Իրակլի Կոբախիձեն հայտարարել է, որ սպասելու են ԵՄ կառույցների եզրակացություններին. «Մենք կսպասենք համապատասխան դիրքորոշմանը։ Մեծ հույս ունենք, որ արդար որոշում կկայացվի»։

Իրակլի Կոբախիձեն ասել է, որ բանաձևում հնարավոր է ստեր ի հայտ գան. «Հիշո՞ւմ եք, թե որտեղ էինք մենք մինչև 2012 թվականը և որտեղ ենք այսօր բոլոր ուղղություններով, լինի դա մարդու իրավունքներ, լրատվամիջոցների ազատություն, նույնիսկ ռուսական էքսպանսիա։ Նախորդ ռեժիմը Ռուսաստանին հանձնեց իր տարածքների 20%-ը և ռազմավարական տնտեսական օբյեկտները, և միայն 2012 թվականին դադարեց Վրաստանում Ռուսաստանի էքսպանսիան՝ ինչպես տարածքային, այնպես էլ տնտեսական։