Քանի որ Վրաստանի ներկայիս անտառային ռեսուրսները դեռևս էներգիայի հիմնական աղբյուր են գյուղական բնակչության համար, «Կանաչ դրամաշնորհային ծրագիրն» աջակցում է էներգաարդյունավետության և վերականգնվող էներգիայի զարգացմանը երկրում:

Ծրագիրը ներառում է էներգաարդյունավետ/վերականգնվող էներգիայի հետևյալ տեխնոլոգիաների համաֆինանսավորում՝ ջերմամեկուսացում, գործարանային վակուումային տիպի ջրատաքացուցիչ, արևային էներգիայով աշխատող պարզ ջրատաքացուցիչ և օդատաքացուցիչ։

Համաֆինանսավորման ծավալները

• Արևային ջրատաքացուցիչի և օդատաքացուցիչի պարզ տեսակ՝ համաֆինանսավորման չափը կազմում է արժեքի մինչև 90%-ը, ոչ ավելի, քան 3000 լարի։
• Գործարանային վակուումային տիպի արևային ջրատաքացուցիչ՝ համաֆինանսավորման չափը կազմում է արժեքի մինչև 80%-ը, ոչ ավելի, քան 5000 լարի։
• Շենքի առաջին հարկի ջերմամեկուսացում՝ համաֆինանսավորման չափը կազմում է արժեքի մինչև 70%-ը, ոչ ավելի, քան 20000 լարի։
• Շենքի ամբողջական ջերմամեկուսացում. Համաֆինանսավորման չափը կազմում է արժեքի մինչև 60%-ը, ոչ ավելի, քան 25000 լարի։

Ծրագրի իրականացման տարածքը

Ծրագիրն իրականացվում է Վրաստանի հետևյալ մունիցիպալիտետներում՝ Ախալքալաքում, Բորջոմիում, Դեդոփլիսծղարոյում, Ղազբեգիում, Քեդայում, Խուլոյում, Լագոդեխիում և Թեթրիծղարոյում։

Գնումներ

Ծրագրի շրջանակներում ապրանքներն ու ծառայությունները կարելի է ձեռք բերել Վրաստանում գրանցված ձեռներեցներից՝ ֆիզիկական/իրավաբանական անձանցից:

Ժամկետներ և պայմաններ

Հայտերն ընդունվում են 2022 թվականի մայիսի 18-ից մինչև 2022 թվականի հունիսի 10-ը։

Ծրագրի շրջանակներում յուրաքանչյուր մունիցիպալիտետից կֆինանսավորվեն ծրագրի պայմաններին համապատասխան ներկայացված առաջին 50 հայտերը։ Ծրագրի մասին ավելի մանրամասն կարող եք ծանոթանալ անցնելով հղումով՝ http://gmg.undp.rda.gov.ge/home: