Քանի դեռ Ռուսաստանը պատրաստվում էր Ուկրաինայի վրա լայնամասշտաբ հարձակման և պատերազմական գործողություններ սկսելու համար, իսկ պատերազմին սպասող հանրության ուշադրությունը ուղղված էր Ուկրաինային՝ «Ալտ Ինֆոյի» խմբի կողմից ստեղծված ռուսամետ կուսակցությունը ամբողջ Վրաստանում իրար հետևից գրասենյակներ է բացում։ «Պահպանողական շարժումը» վերջին մեկ ամսվա ընթացքում շրջաններում արդեն 37 գրասենյակ ունի։ Եվս 6 գրասենյակ է նախատեսվում բացել լեռնային շրջաններում փետրվարի 25-27-ը, մինչդեռ հիմնադրվելուց մինչև փետրվարի 18-ը ներառյալ կուսակցության եկամուտը կազմում է միայն 36 675 լարի։

«Պահպանողական շարժումը» հունվարին շրջանային գրասենյակների բացումը սկսեց Սամեգրելո-Զեմո Սվանեթիից։ Խոբիում կուսակցության գրասենյակը ղեկավարում է Ռոստոմ Կիլասոնիան, Մարտվիլիում՝ Օթար Դանելիան, Ծալենջիխայում՝ Գիորգի Նաճղեբիան, Աբաշայում՝ Զուրաբ Ցոմաիան, իսկ Զուգդիդիում՝ Գիա Գուլուան։

Մեստիայում ռուսամետ կուսակցության շրջանային կազմակերպության նախագահը Գիորգի Ռատիանին է, ով 2017 թվականից Վրաստանի Պետական ​​անվտանգության ծառայության հակահետախուզության վարչության Սամեգրելո-Զեմո Սվանեթիի վարչության աշխատակից էր և հսկում էր Մեստիայի մունիցիպալիտետը։

Պաշտոնապես Ռատիանին ՊԱԾ-ի աշխատակից չէ, այն բանից հետո երբ 2021 թվականին նախաձեռնող խումբը նրան առաջադրեց Մեստիայի քաղաքապետի թեկնածու՝ հոկտեմբերի 2-ի ՏԻՄ ընտրություններում։ «Մթիս Ամբեբիի» տեղեկությամբ, Ռատիանին Մեստիայի քաղաքապետի պաշտոնի համար պայքարում էր ՊԱԾ-ի հանձնարարությամբ՝ «Լելոյի», Գախարիայի և Անա Դոլիձեի կուսակցություններից առաջադրված թեկնածուներից ձայներ խլելու համար։ Գիորգի Ռատիանին այս տեղեկությունը չի հաստատում։ Ընտրությունների առաջին փուլում իշխանական թեկնածուն հաղթել 64․16 տոկոսով, իսկ Գիորգի Ռատիանին ստացել է ձայների 11․43 տոկոսը (618 ձայն)։

- Գիորգի, ինչու՞ եք որոշել լինել ռուսամետ կուսակցության տեղական կազմակերպության ղեկավար։

- Սա ռուսամետ կուսակցություն չէ, վրացամետ է։

-Տարիներ շարունակ հակահետախուզական վարչության աշխատակից էիք։ Պաշտոնապես ձեր կուսակցությունը եկամուտի տեսքով ընդամենը 36 հազար լարի է ստացել։ Ի՞նչ միջոցներով եք վարձակալել Մեստիայի կենտրոնում գտնվող գրասենյակը։

- Ինձ հարցաքննու՞մ եք։ Այդ հարցին չեմ պատասխանի։ Կամ ի՞նչ կապ ունի ՊԱԾ-ը, ես ՊԱԾ-ի աշխատակից չեմ։

- Ուզում եք ասել, որ այն ինչ անում եք ձեզ ՊԱԾ-ը չի հրահանգու՞մ։

- Ձեզ ասացի, ես Անվտանգության ծառայության աշխատակից չեմ։

Մեստիայի կենտրոնում՝ Թամար թագուհու փողոցի թիվ 16 շենքը, որտեղ տեղակայված է «Պահպանողական շարժման» շրջանային կազմակերպությունը՝ պատկանում է Յուրի (Խուտա) Ռատիանիին։ Յուրի Ռատիանին 2018-2019 թվականներին եղել է Մեստիայի մունիցիպալիտետի սակրեբուլոյի «Եվրոպական Վրաստան» խմբակցության փոխնախագահ։ Նա մասնակցել է նաև 2021 թվականի հոկտեմբերի 2-ի ընտրություններին, նույն կուսակցության ցուցակի չորրորդ համարով, սակայն չի ընտրվել քաղաքային խորհրդի անդամ։ Նույն շենքում է գտնվում Մեստիայի տարածքային ընտրական հանձնաժողովը։

Փետրվարի 24-ին Մեստիայում ոստիկանություն է մոբիլիզացվել կուսակցության գրասենյակի առաջ, քանի դեռ այնտեղ նախատեսված ակցիան չի ավարտվել՝ ի աջակցություն Ուկրաինայի։

Թելավիում նույնպես «Պահպանողական շարժումը» գրասենյակ է բացել քաղաքի կենտրոնում՝ անմիջապես քաղաքապետարանի և նահանգապետի աշխատակազմի դիմաց։ Շրջանային կազմակերպությունը ղեկավարում են Իլիա Մեգրելիշվիլին և Գիա Կարչաուլին։ Լագոդեխիում կուսակցության տեղական կազմակերպության ղեկավար է նշանակվել Վախտանգ Բարբաքաձեն։

«Մինչև ապրիլի վերջ մենք կունենանք 77 գրասենյակ ողջ Վրաստանում, որտեղ մեր համախոհները կկարողանան հանդիպել կուսակցության առաջնորդների հետ»,- հունվարի 30-ին ասել է «Պահպանողական շարժման» առաջնորդներից Կոնստանտին Մորգոշիան։

Հունվարի վերջին և փետրվարին ռուսամետ կուսակցության գրասենյակներ են բացվել Քվեմո Քարթլիում, Մցխեթա-Մթիանեթիում, Շիդա Քարթլիում, Իմերեթում, Սամեգրելոյում, Աջարիայում և Կախեթիում։

Դմանիսիում կուսակցությունը ղեկավարում է Գիորգի Արխվլիանին, Ռուսթավիում՝ Մերաբ Գիգանին, Կասպիում՝ Գիգա Կարբելաշվիլին, Խաշուրիում՝ Գիորգի Կիկնաձեն և Ռամազ Նոզաձեն, Թեթրիծղարոյում՝ Անտոն Թամլիանին և Թամազ Բեքաուրին, Գարդաբանիում՝ Գիորգի Դադվանին, Բորջոմիում՝ Շորենա Կոբիձեն, Ախալցիխեում՝ Սիմոն Էղիաշվիլին և Ակակի Ջելիա, Ծնորիում՝ Գիորգի Խատիաշվիլին, Ղվարելիում՝ Գոչա Կեկենաձե, իսկ Ախմետայում Ջիմշեր Բուխաչաուրի։

Կուսակցությունը Ախմետայում նույնպես տեղակայվել է քաղաքի կենտրոնում՝ քաղաքապետարանի դիմաց։ Շենքը, որտեղ վարձակալվել է տարածքը, պատկանում է Ախմետայի մունիցիպալիտետի՝ «Վրացական երազանքից» սակրեբուլոյի անդամ, ֆինանսաբյուջետային հանձնաժողովի նախագահ Կախա Մամուլաշվիլիի ընտանիքին։

Վարձակալության պայմանագիրը ձևակերպված է 11 ամսով։ Մամուլաշվիլին ասում է, որ նա կապ չունի «Պահպանողական շարժման» հետ և միայն տարածքն է վարձով տվել:

Սաչխերեում «Պահպանողական շարժման» շրջանային կազմակերպության ղեկավարն է Լաշա Գոմարթելիան, Ճիաթուրայում՝ Գիորգի Լոբժանիձեն և Զաուր Մոդեբաձեն, Զեստափոնիում՝ Դավիթ Չումբաձեն և Բեսիկ Լեոնիձեն, Դուշեթիում՝ Աբո Սամխարաձեն և Մարինե Լափանաշվիլին, Քարելիում՝ Մարիամ Միքացաձեն և Էստատե Խոսրուաշվիլին, Գորիում՝ Գելա Մեգրելիշվիլին,Վանիում Գոգի Ռևազ Փաշկուրիձեն, Խոնիում՝ Գիա Մանագաձեն, Ծղալտուբոյում՝ Զազա Մուսելիանին, Տղիբուլիում՝ Արսեն Փոփխաձեն, Թեջոլայում ՝ Զաուր Օբոլաձեն, Բաղդաթիում՝ Մամուկա Կվետենաձեն, Բաթումիում՝ Գոգի Քադիձեն, Քութաիսիում՝ Գիգա Սուլակաձեն, Սամտրեդիայում՝ Գիա Վաշակիձեն, Սենակիում՝ Գիորգի Բոկուչավան, Փոթիում՝ Դավիթ Դվալիշվիլին, իսկ Չխորոծղույում՝ Բեքա Գաբեդավան և Էմզար Միքավան։

«Մենք հենց առաջին ընտրություններում կլինենք կառավարություն և իշխող ուժ»,- երեկ հայտարարել է Կոնստանտին Մորգոշիան՝ շրջանային գրասենյակներից մեկի բացման ժամանակ։

Առաջիկա երեք օրվա ընթացքում կուսակցությունը նախատեսում է գրասենյակներ բացել Ախալքալաքում, Նինոծմինդայում, Ցագերիում, Լենտեխիում, Օնիում և Ամբրոլաուրիում։

Աուդիտի ծառայության փաստաթղթերի համաձայն՝ կուսակցության հիմնական ֆինանսավորողները շրջանային կազմակերպությունների ղեկավարներն են։ Օրինակ՝ 1900-1900 լարիի նվիրատվություն են կատարել Քութայիսիի և Զուգդիդիի կազմակերպությունների ներկայացուցիչներ Գիգա Սուլակաձեն և Գիա Գուլուան, 1800 լարի Մերաբ Գիգանը Ռուսթավիից, 500-500 լարի Գիորգի Ռատիանին Մեստիայից և Գոչա Կեկենաձեն Ղվարելիից։

Փոքր քաղաքների գրասենյակների համար կուսակցությունը պաշտոնապես ամսական 400 լարի է վճարում, թեև մի քանի տարածքների սեփականատերերից, որոնց ինքնությունը նրանց խնդրանքով չենք հայտնում,գիտենք, որ իրական վճարը ամսական կազմում է 1000 լարի։ Նույն տարածքները նախքան «Պահպանողական շարժմանը» հանձնելը՝ վարձակալվել է 400 լարիից ավելի շատ գումարով։

Գործող օրենսդրության համաձայն, քաղաքական կուսակցությունները պարտավոր են Պետական ​​աուդիտի գրասենյակ տեղեկություն ներկայացնել կուսակցության հաշվեհամարին կատարված նվիրատվությունների մասին՝ այն ստանալուց 5 օրվա ընթացքում։ «Պահպանողական շարժումը» Պետական ​​աուդիտի վարչությանը տվյալներ է ներկայացրել փետրվարի 18-ի դրությամբ։ Կուսակցությունը պարտավոր է նաև գովազդի պատվիրման օրվանից 5-օրյա ժամկետում Աուդիտի գրասենյակ ներկայացնել գովազդային ծախսերը, իսկ տարեկան հայտարարագիրը, որը պետք է արտացոլի կուսակցության բոլոր եկամուտներն ու ծախսերը, մինչև հաջորդ տարվա սկիզբը այժմ հայտնի չեն, քանի որ այդ տվյալները Աուդիտի գրասենյակ ներկայացնելու վերջնաժամկետը փետրվարի 1-ն է:

«Ալտ Ինֆոյի» խումբը կուսակցությունը հիմնել է անցյալ տարվա նոյեմբերի 20-ին։ «Պահպանողական շարժման» նախագահն է Զուրաբ Մախարաձեն, կուսակցության գլխավոր քարտուղարը՝ Գիորգի Քարդավան։ Կառավարման խորհրդի անդամներն են՝ Իրակլի Մարտինենկոն, Իրակլի Մորգոշիան, Գիորգի Քարդավան և Վասիլ Գվիլիան։ Ռեզերվային հանձնաժողովի կազմում են Էմրե Քուչուկը, Գիորգի Մորգոշիան և Ալեքսանդր Քարդավան։ «Պահպանողական շարժումը» որպես կուսակցություն պաշտոնապես գրանցվել է 2021 թվականի դեկտեմբերի 7-ին։

Կուսակցության նպատակն է վերջ տալ Վրաստանում «լիբերալ բռնապետությանը» և ստեղծել «քրիստոնեական ժողովրդավարություն»։ Ղեկավարները բացահայտ հայտարարում են, որ լինելու են Ռուսաստանի դաշնակիցները, ցանկանում են նրա հետ ուղիղ և անվերապահ երկխոսություն ունենալ և ինտեգրվել Մոսկվայի շահերից բխող համակարգերում։

«Ալտ Ինֆոն» 2021 թվականի հուլիսի 5-ին Թբիլիսիի Ռուսթավելի պողոտայում տեղի ունեցած  բռնի ցույցի կազմակերպիչն էր, որի ժամանակ ցույցի մասնակիցները հարձակվեցին տասնյակ լրագրողների վրա և տարբեր մարմնական վնասվածքներ պատճառեցին, ինչպես նաև հարձակվեցին հասարակական կազմակերպությունների գրասենյակների վրա։ Վարչապետ Իրակլի Ղարիբաշվիլիի և Վրաց ուղղափառ եկեղեցու պատրիարքարանի հայտարարություններով, ինչպես նաև ՆԳՆ-ի անգործությունից ոգևորված ագրեսիվ խմբերը ողջ օրվա ընթացքում բռնություն էին գործադրում լրագրողների և քաղաքացիական ակտիվիստների նկատմամբ։ Հանցագործության կազմակերպումը սկսվել է հուլիսի 5-ից մի քանի շաբաթ առաջ։ «Ալտ Ինֆոյի» անդամները սեփական ալիքով հրապարակայնորեն կոչ էին անում հեռուստադիտողներին դիմել բռնության: Չնայած տուժողների ցուցմունքներին ու տեսաապացույցներին՝ դատախազությունը «Ալտ Ինֆոյի» ղեկավարներից ոչ մեկին չի ձերբակալել։

2021 թվականի սեպտեմբերին Վրաստանի Հաղորդակցության ազգային հանձնաժողովը «Ալտ Ինֆո» հեռուստաընկերությանը Վրաստանի ողջ տարածքում հեռարձակման թույլտվություն տվեց։