2022 թվականի հունվար, փետրվար և մարտ ամիսներին Նատախտարի-Մեստիա չվերթները նախատեսված է յուրաքանչյուր երկուշաբթի, չորեքշաբթի, ուրբաթ և կիրակի։ Օդանավը, որը կարող է տեղավորել 17 ուղևոր, Նատախտարից մեկնում է առավոտյան ժամը 10:00-ին, իսկ Մեստիայից Նատախտարի՝ ժամը 12:00-ին։ Միակողմանի թռիչքի տևողությունը 30 րոպե է, տոմսի արժեքը՝ 90 լարի։ Նատախտարիից Մեստիայի ուղղությամբ մինչև հունվարի 20-ը բոլոր տոմսերը վաճառված են։

Քութաիսիի միջազգային օդանավակայանից նույնպես հնարավոր է Սվանեթի թռչել, շաբաթը միայն մեկ անգամ՝ չորեքշաբթի օրը։ Քութաիսիից թռիչքն իրականացվում է ժամը 12:00-ին, իսկ Մեստիայից Քութաիսիի ուղղությամբ՝ 13:30-ին։ Թռիչքի տևողությունը 25 րոպե է։ Տոմսի արժեքը 50 լարի է, ցանկացողները կարող են գնել այն։

Ինչ վերաբերում է դեպի Ամբրոլաուրի թռիչքին, ապա թռիչքներն իրականացվում են  հունվարից մարտ՝ ուրբաթ և կիրակի օրերին։ Նատախտարիից Ռաճա չվերթը ժամը 15:30-ին է, վերադարձը՝ ժամը 16:45-ին: Թռիչքի տևողությունը այստեղ նույնպես 30 րոպե է, տոմսի արժեքը՝ 50 լարի։

Մինչև 3 տարեկան երեխաների համար թռիչքներն անվճար են, 30% զեղչ է գործում 3-ից 12 տարեկանների համար:

Այս զեղչը գործում է նաև Թբիլիսի-Բաթումի և Բաթումի-Թբիլիսի  թռիչքների համար, որոնք իրականացվում են Թբիլիսիի միջազգային օդանավակայանից շաբաթական երեք անգամ։ Օդանավը, որը տեղավորում է 30 ուղևոր, Թբիլիսիից թռչում է երկուշաբթի և չորեքշաբթի՝ ժամը 09:00-ին, իսկ Բաթումիից Թբիլիսի վերադառնում է 11:00-ին։ Ուրբաթ օրը Թբիլիսիից չվերթը ժամը 19:00-ին է, իսկ վերադարձը՝ 21:00-ին։ Թռիչքի տևողությունը այստեղ նույնպես 30 րոպե է, մեծահասակների համար տոմսի արժեքը 125 լարի է։

Տոմսերը կարելի է ձեռք բերել https://ticket.vanillasky.ge/ge կայքում։

Ներքին թռիչքների մասին մանրամասն տեղեկությունների համար կարող եք կապ հաստատել Նատախտարիի օդանավակայանի հետ․ 599 65 90 99

Զբոսաշրջությունը խթանելու համար պետության կողմից սուբսիդավորվում է ներքին թռիչքները։ 2018 թվականի սեպտեմբերի 26-ին Վրաստանի օդանավակայանների ասոցիացիան, որը 100%-ով պետական ​​կազմակերպություն է, 58 832 727 լարիով պայմանագիր է կնքել մրցույթում հաղթած ՍՊԸ Ak-Air Georgia-ի հետ։ Այս պահի դրությամբ վճարվել է 13 387 727 լարի։ Պայմանագրի ժամկետը լրանում է 2022 թվականի հոկտեմբերի 30-ին։