საიტის მენიუ

სოციალური ქსელები

ჯავახეთში 82 %, ლენტეხში 79 % - მთაში „ოცნების“ მერობის კანდიდატებმა გაიმარჯვეს

13:50 - 03 ოქტომბერი 2021 hits 3884

მაღალმთიან რეგიონებში მერის არჩევნები უმეტესად „ქართული ოცნების“ კანდიდატებმა მოიგეს, მათ შორის, ჯავახეთში სრული უპირატესობით - 82 %-ით. „ოცნების“ მერობის კანდიდატებმა ჯავახეთის შემდეგ ყველაზე მეტი ხმა, თითქმის 79 % ლენტეხში დააგროვეს, 65 % მესტიაში, დუშეთში, ადიგენში, 69 % ბორჯომში. მთიანი მუნიციპალიტეტებიდან პირველივე ტურში მერის არჩევნების მოგება სახელისუფლებო პარტიას ყველაზე მეტად ახმეტაში გაუჭირდა, თიანეთსა და ცაგერში კი მეორე ტური გაიმართება.

ახმეტის საარჩევნო ოლქის 30 უბნიდან ცენტრალური საარჩევნო კომისიის ვებგვერდზე 25 უბნის შედეგია გამოქვეყნებული, რომლის მიხედვითაც, „ნაციონალური მოძრაობის“ კანდიდატმა ზურაბ ოტიაშვილმა ხმების 47.01 % (5454 ხმა) მიიღო, „ქართული ოცნების“ კანდიდატმა ალექსი ფიცხელაურმა 52.99 % (6147 ხმა). ახმეტაში მეორე ტური მოსალოდნელი არ არის.

მერის ასარჩევად მეორე ტური გაიმართება თიანეთის რაიონში. 20 უბნიდან ყველას შედეგი გამოქვეყნებულია. „ქართული ოცნების“ მერობის კანდიდატს ლევან წიკლაურს 43.19 % აქვს (2726 ხმა); მეორე ადგილაზეა თამაზ მეჭიაური 30.09 %-ით (1899 ხმა); პარტიიდან „გახარია საქართველოსთვის“ მერობის კანდიდატს თამაზ იარაჯულს 8.64 % აქვს, „ნაციონალური მოძრაობიდან“ ილია არჩემაშვილს 18.08 %.

„ქართული ოცნების“ მერობის კანდიდატმა მანანა ნარიმანიძემ მერის არჩევნები პირველივე ტურში მოიგო დუშეთში. 51 საარჩევნო უბნიდან გამოქვეყნებულია 45 უბნის შედეგები, რომლის მიხედვითაც ნარიმანიძეს 65.53 % აქვს (6067 ხმა), „ნაციონალური მოძრაობიდან“ ლეონიდე კვირკვეიშვილს 23.3 % (2157 ხმა), გახარიას პარტიიდან თენგიზ ჟამუტაშვილს 11.18 % (1035 ხმა).

მეორე ტური არ იქნება არც ყაზბეგში. ამომრჩეველთა ხმების 65.8% (1703 ხმა) მიიღო „ქართული ოცნებიდან“ მერობის კანდიდატმა ბაკურ ავსაჯანიშვილმა. 11 საარჩევნო უბნიდან ათი უბნის შედეგია გამოქვეყნებული. პარტიიდან „თამაზ მეჭიაური ერთიანი საქართველოსთვის“ მერობის კანდიდატმა მანუჩარ დვალიშვილმა ხმების 21.14 % (547 ხმა) დააგროვა. „ნაციონალური მოძრაობიდან“ იმედა შიოლაშვილმა 5.26 % მიიღო (136 ხმა).

ბორჯომის 31 საარჩევნო უბნიდან 26 უბნის შედეგია გამოქვეყნებული. „ქართული ოცნებიდან“ ოთარ არბოლიშვილს 69.14 % აქვს (7285 ხმა); „ნაციონალური მოძრაობიდან“ გივი ჯოლბორდს 30.86 % (3251 ხმა).

წალკაში „ქართული ოცნების“ კანდიდატმა ილია საბაძემ მერის არჩევნები პირველივე ტურში მოიგო ხმათა 55.86 %-ით (4874 ხმა). 44 უბნიდან ყველას შედეგია გამოქვეყნებული. „ნაციონალური მოძრაობიდან“ რუსლან ხუციშვილმა 23.61 % დააგროვა (2060 ხმა), პარტიიდან „კანონი და სამართალი“ კანდიდატმა ემზარ დიმიტრაძემ 16.99 % (1477 ხმა);

ადიგენის 19 საარჩევნო უბნიდან ცესკოს ვებგვერდზე 15 უბნის შედეგია გამოქვეყნებული. „ქართული ოცნებიდან“ მერობის კანდიდატს გოჩა ქიმაძეს 65.63 % აქვს (4736 ხმა), „ნაციონალური მოძრაობიდან“ მარეხ დათიაშვილს 34.37 % (2480 ხმა).

ახალქალაქში მერის არჩევნები სრული უპირატესობით, 82.22 %-ით (14082 ხმა) „ქართული ოცნების“ კანდიდატს მელქონ მაკარიანს აქვს მოგებული. 71 საარჩევნო უბნიდან 69 უბნის შედეგია გამოქვეყნებული. „ევროპული საქართველოდან“ არსენ კარაპეტიანს 9.9 % აქვს (1695 ხმა), „ნაციონალური მოძრაობიდან“ მელიქ რაისიანს 7.88 % (1350 ხმა).

ნინოწმინდაშიც ხმების 82.53 % აქვს (8874 ხმა) „ქართული ოცნების“ კანდიდატს ანივარდ მოსოიანს. მერობის დამოუკიდებელმა კანდიდატმა სურენ მოსოიანმა 12.85 % (1382 ხმა) მიიღო, „ნაციონალური მოძრაობიდან“ ავაკ ბდოიანმა 4.62 % (497 ხმა). ნინოწმინდაში 38 უბნიდან ყველას შედეგია გამოქვეყნებული.

ონში 24 საარჩევნო უბნიდან 21-ის შედეგია გამოქვეყნებული და ხმების 55.41 % (144 ხმა) „ქართული ოცნების“ კანდიდატს სერგო ხიდაშელს აქვს მიღებული. 32.04 %-ით (835 ხმა) მეორე ადგილზეა გახარიას პარტიის კანდიდატი იმედა მეშვილდიშვილი. „ნაციონალური მოძრაობიდან“ მერობის კანდიდატმა ვაჟა ცეცაძემ 12.55 % (327 ხმა) მიიღო.

ამბროლაურში მერის არჩევნები პირველივე ტურში მოიგო „ქართული ოცნების“ მერობის კანდიდატმა ზვიად მხეიძემ. 37 საარჩევნო უბნიდან ყველას შედეგია გამოქვეყნებული. მხეიძეს ხმების 59.53 % აქვს (4499 ხმა). პარტიიდან „გახარია საქართველოსთვის“ კანდიდატმა ფარნაოზ ბაკურაძემ 19 % დააგროვა (1436 ხმა); „ნაციონალური მოძრაობიდან“ ელგუჯა გურგენიძემ 15.69 % (1186 ხმა); „ევროპული საქართველოდან“ მაია კაციტაძემ 5.78 % (437 ხმა).

ცაგერში მერის ასარჩევად მეორე ტური გაიმართება. 42 უბნიდან ყველა უბნის შედეგია გამოქვეყნებული. „ქართული ოცნების“ კანდიდატს გიორგი ნემსაძეს 49.34 % აქვს (3277 ხმა). მეორე ტურში მისი კონკურენტი გახარიას პარტიიდან ბესარიონ ბენდელიანი იქნება, რომელმაც პირველ ტურში ხმების 35.02 % მიიღო (2326 ხმა). „ნაციონალური მოძრაობის“ კანდიდატმა მადონა ბენდელიანმა 15.63 % დააგროვა (1038 ხმა).

ლენტეხში მერის არჩევნები პირველი ტურში მოიგო „ქართული ოცნების“ კანდიდატმა გია ონიანმა 78.93 %-ით (2491 ხმა). გახარიას პარტიიდან ჯამლათ გვიდიანმა 21.07 % მიიღო (665 ხმა). 24 უბნიდან ყველას შედეგი გამოქვეყნებულია.

„ქართული ოცნების“ კანდიდატმა კაპიტონ ჟორჟოლიანმა მოიგო მერის არჩევნები მესტიაშიც. ცესკოს ვებგვერდზე 41 უბნიდან 38-ის შედეგია გამოქვეყნებული. ჟორჟოლიანს 64.34 % აქვს (2943 ხმა). „ლელოდან“ გეგი გულედანმა 10.65 % დააგროვა (487 ხმა); დამოუკიდებელმა კანდიდატმა გიორგი რატიანმა 9.01 % (412 ხმა); გახარიას პარტიიდან მალხაზ უდესიანმა 8.66 % (396 ხმა); პარტიიდან „ანა დოლიძე ხალხისთვის“ კანდიდატმა ბექა დადეშქელიანმა 7.35 % (336 ხმა).

ჭიათურაში 59 უბნიდან გამოქვეყნებულია 53 უბნის შედეგი. „ქართული ოცნებიდან“ გივი მოდებაძეს ხმების 55.41 % აქვს (9862 ხმა), დამოუკიდებელ კანდიდატს ნოდარ ჩაჩანიძეს 35.65 % (6345 ხმა). გახარიას პარტიიდან უსუპ ბიწაძემ 8.94 % მიიღო (1592 ხმა);

ტყიბულში 38 საარჩევნო უბნიდან 37-ის შედეგია გამოქვეყნებული. „ქართული ოცნების“ კანდიდატს დავით ჩერქეზიშვილს 53.77 % აქვს (5997 ხმა); „ნაციონალური მოძრაობიდან“ ბესიკ ზოზიაშვილს 37.02 % (4129 ხმა); გახარიას პარტიიდან სანდრო სახვაძეს 5.71 % (637 ხმა); „მესამე ძალა - სტრატეგია აღმაშენებლიდან“ გიორგი ფორჩხიძეს 2.85 % (318 ხმა); თამაზ მეჭიაურის პარტიიდან გელა ჩივაძეს 0.65 % (72 ხმა).

მერის არჩევნები პირველივე ტურში მოიგო „ქართული ოცნების“ კანდიდატმა ვახტანგ ბერიძემ ხულოში 54.26 %-ით (7905 ხმა); 55 უბნიდან ყველას შედეგია გამოაქვეყნებული. „ნაციონალური მოძრაობიდან“ გოგიტა სოლომონიძემ ხმების 36.41 % მიიღო (5304 ხმა); გახარიას პარტიიდან გია აბულაძემ 9.33 % (1360 ხმა).

მეორე ტური არ იქნება არც შუახევში. 50 უბნიდან 49 უბნის შედეგია გამოქვეყნებული. „ქართული ონებიდან“ ომარ ტაკიძეს 57.09 % აქვს (5313 ხმა); „ნაციონალური მოძრაობიდან“ როინ ზოიძეს 33.03 % (3074 ხმა); გახარიას პარტიიდან შალვა გოგიტიძეს 8.41 % (783 ხმა); „პატრიოტთა ალიანსიდან“ გიორგი ტარიელაძეს 1.46 % (136 ხმა).

ცესკოს ვებგვერდზე ქედას 32 საარჩევნო უბნიდან 30-ის შედეგია გამოქვეყნებული. მერის არჩევნებს პირველივე ტურში იგებს „ქართული ოცნების“ კანდიდატი როლანდი ბერიძე 56.66 %-ით (5458 ხმა). „ნაციონალური მოძრაობიდან“ რამინ ბერიძეს 35.51 % აქვს (3421 ხმა); გახარიას პარტიიდან ელგუჯა ნაკაშიძეს 7.83 % აქვს (754 ხმა).

მერის არჩევნების მეორე ტური 30 ოქტომბერს გაიმართება.

Mtisambebi.ge

„მთის ამბები“ დამოუკიდებელი საინფორმაციო ონლაინგამოცემაა. ვებგვერდს მართავს საინფორმაციო ცენტრების ქსელი.

ამავე რუბრიკაში

ვაკანსიები მთაში

თავში