საიტის მენიუ

სოციალური ქსელები

ვაკანსია მთის მოსახლეობის ინტერესების ადვოკატირების პროექტის კოორდინატორის პოზიციაზე

16:50 - 11 თებერვალი 2019 hits 1075

ააიპ სამოქალაქო აქტივობების ცენტრი (CCA) აცხადებს ვაკანსიას მთის მოსახლეობის ინტერესების ადვოკატირების პროექტის კოორდინატორის პოზიციაზე. სამუშაო ადგილი - თბილისის ან კახეთის ოფისი.

პროექტის მიზანია აღმოსავლეთ საქართველოს მაღალმთიან რეგიონებში ახალგაზრდების სამოქალაქო ჩართულობის გაზრდა, მთის სათემო ორგანიზაციების გაძლიერება და არსებული პრობლემების გადაწყვეტის ხელშეწყობა;

პროექტის მოიცავს ახმეტის, დუშეთის და ყაზბეგის მუნიციპალიტეტებს, კერძოდ: თუშეთს, პანკისის ხეობას, ფშავ-ხევსურეთს, მთიულეთს, გუდამაყრის ხეობას და ხევს.

ძირითადი მოვალეობები: პროექტით გათვალისწინებული აქტივობების დაგეგმვა, ორგანიზება და შესრულება (მოსახლეობასთან, განსაკუთრებით ახალგაზრდებთან საინფორმაციო – საკონსულტაციო შეხვედრების ჩატარება; პრობლემების კვლევა და ადვოკატირების კამპანიების დაგეგმვა; საგანმანათლებლო ღონისძიებების ორგანიზება; არასამთავრობო და სათემო ორგანიზაციებთან, ადგილობრივი თვითმმართველობის ორგანოებთან და სხვა ინსტიტუტებთან აქტიური თანამშრომლობა; თვითმმართველობის საქმიანობაში მოქალაქეთა ჩართულობის ხელშეწყობა; ადმინისტრაციული ორგანოების საქმიანობის მონიტორინგი; „მთის ამბების“ საქმიანობაში აქტიური მონაწილეობა; ღონისძიებების შესახებ ანგარიშისა და საინფორმაციო მასალების მომზადება);

მოთხოვნები: უმაღლესი განათლება (სასურველია); კომპიუტერული პროგრამების კარგი ცოდნა; ქართულ ენაზე გამართულად მეტყველებისა და წერის უნარები; ინგლისური ენის ცოდნა (მიიჩნევა უპირატესობად); მაღალმთიანი რეგიონების სპეციფიკის ცოდნა (აუცილებელია); მართვის მოწმობის ქონა და ავტომობილის მართვის კარგი უნარები (სასურველია); გუნდური მუშაობის უნარი, პასუხისმგებლობის მაღალი გრძნობა, ენთუზიაზმი.

ანაზღაურება – 1250 ლარი (საშემოსავლო გადასახადის ჩათვლით);

დაინტერესებულმა პირებმა უნდა გამოგზავნონ CV და მოკლე სამოტივაციო წერილი, მისამართზე: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript. სათაურში აუცილებლად მიუთითეთ პოზიციის დასახელება, რაზედაც შემოგაქვთ განაცხადი. სამოტივაციო წერილში აუცილებელია მიუთითოთ 2 პირის ვინაობა და მათი საკონტაქტო ინფორმაცია, ვინც გაგიწევთ რეკომენდაციას.

განაცხადის შემოტანის ბოლო ვადაა 2019 წლის 28 თებერვალი.

არასრული განაცხადები არ განიხილება.

შერჩეულ პირებს სამოქალაქო აქტივობების ცენტრი თავად დაუკავშირდება და მიიწვევს გასაუბრებაზე.

 

სამოქალაქო აქტივობების ცენტრი არასამთავრობო ორგანიზაციაა, რომლის მიზანია, რეგიონებში სამოქალაქო განათლებისა და ჩართულობის ხელშეწყობა; მაღალმთიანი რეგიონების მოსახლეობის, ეროვნული უმცირესობებისა და მარგინალიზებული ჯგუფების ადვოკატირება; ახალგაზრდა სამოქალაქო აქტივისტებისა და ახალგაზრდული ინიციატივების მხარდაჭერა; ქალების სოციალურ-ეკონომიკური გაძლიერება; სამოქალაქო ჟურნალისტიკის განვითარება.

Mtisambebi.ge

„მთის ამბები“ დამოუკიდებელი საინფორმაციო ონლაინგამოცემაა. ვებგვერდს მართავს საინფორმაციო ცენტრების ქსელი.

ამავე რუბრიკაში

ვაკანსიები მთაში

თავში