Նախագծի շրջանակներում՝վերականգնվող էներգիայի հանրաճանաչությանն ու օգտագործմանը նպաստելու նպատակով, Ախալքալաքի մունիցիպալիտետի  գյուղերում նախատեսված են կարճ ուսուցողական դասընթացներ՝ շրջակա միջավայրի պահպանության, թափոնների կառավարման և գյուղերում վերականգնվող էներգիայի այլընտրանքային օգտագործման վերաբերյալ:

Վերականգնվող էներգիայի օգտագործումը մասսայականացնելու և դրա զարգացմանը նպաստելու նպատակով կհայտարարվի դրամաշնորհային մրցույթ փոքր էլեկտրակայանների՝ արևային ֆոտովոլտային համակարգերի տեղադրման համար։ Մրցույթի  շրջանակներում կտրվի առավելագույնը 20 դրամաշնորհ:

Ովքեր կարող են մասնակցել նախագծին

Դիմումներ կարող են ներկայացնել միայն Ախալքալաքի մունիցիպալիտետում  բնակվող խոցելի և սոցիալապես անապահով ընտանիքները, Վրաստանի քաղաքացիություն ունեցող անձինք, որոնք պետք է համապատասխանեն հետևյալ չափորոշիչներին.

• Ընտանիքի բոլոր անդամները մշտապես ապրում են Ախալքալաքի մունիցիպալիտետում,
• Բազմազավակ ընտանիք, որը ունի մինչև 16 տարեկան առնվազն 3 և ավելի երեխա,
• Միայնակ մայր է, կամ հայր,
• Ստանում է պետական ​​կամ մունիցիպալ աջակցություն,
• Առկա է բավարար տարածք տան տարածքում արևային մարտկոցներ տեղադրելու համար,
• Ընտանիքի անդամներից մեկի վրա գրանցված է էլեկտրաէներգիայի հաշվիչ սարք:

Դրամաշնորհային մրցույթը մեկնարկել է 2022 թվականի հունիսի 10-ից և կավարտվի հունիսի 30-ին՝ ժամը 18:00-ին։

Դրամաշնորհի հայտը պետք է լրացվի վրաց լեզվով և ներկայացվի պահանջվող փաստաթղթերի հետ միասին:

Լրացված հայտի ձևի հետ մեկտեղ դիմորդից պահանջվում է ներկայացնել հետևյալ փաստաթղթերը՝

• տեղեկություններ էլեկտրաէներգիայի բաժանորդի մասին (վկայական կամ այլ հաստատող փաստաթուղթ),
• 16 տարեկանից ցածր ընտանիքի անդամների նույնականացման (ID) քարտերի պատճենները կամ ծննդյան վկայականները,
• քաղվածք հանրային ռեգիստրից անշարժ գույքի սեփականության վերաբերյալ,
• սոցիալական աջակցության ստացման վկայական (առկայության դեպքում):

Ավելի մանրամասն տեղեկությունների համար կարող եք այցելել Ախալքալաքի տեղական զարգացման խմբի էջ՝ akhalkalakilag.ge: