„Quadrum ლათინური სიტყვაა და კვადრატს ნიშნავს. ეს სიტყვა კარგად გამოხატავს პროექტის კონცეფციას. ჩვენი მიზანი მარტივი და ლანდშაფტზე კარგად მორგებული კონსტრუქციის შექმნა იყო. სასტუმრო მართლაც ასეთია. ის კარგად არის მორგებული გუდაურის ლანდშაფტს - შენობა იმეორებს მთის ფორმას. ნატურალური და მსუბუქი კონსტრუქციაა. მთავარ ხაზად ავირჩიეთ ხის მიმართულება. მშენებლობისთვის ძირითადად გამოყენებულია მუხა, თუმცა გვხვდება სხვადასხვა ხის მასალაც. მასალის 90% საქართველოშია დამზადებული, თვითონ კონტეინერები კი ქუთაისშია აწყობილი. მასალა ისეა შერჩეული, რომ მან ძლიერ ყინვას და დღე-ღამის განმავლობაში გუდაურში არსებულ დიდ ტემპერატურულ ცვლილებას კარგად გაუძლოს. ერთი კონტეინერის ფართი 21 კვადრატული მეტრია. სასტუმროში არის როგორც სტანდარტული ნომერი, ასევე ლუქსი დუპლექსით,“ - უთხრა „მთის ამბებს“ Quadrum Ski and Yoga Resort-ის მენეჯერმა დავით ხმიადაშვილმა.

სასტუმროს მშენებლობა 1 მილიონ 500 ათასი ლარი დაჯდა. ამ დროისთვის 600 კვადრატული მეტრი ფართის მიწის ნაკვეთზე 20 კონტეინერია განთავსებული. სასტუმროში 2 ადგილიანი სტანდარტული ნომრის ფასი 90 დოლარიდან იწყება და 230 დოლარს აღწევს.

„მომავალი სეზონისთვის სასტუმროს კიდევ უფრო გავაფართოვებთ. სასტუმროს გვერდით ახალი კონსტრუქცია მიემატება. ის განსხვავებული დიზაინის შენობა იქნება, უფრო მეტი ფართით. ეს იქნება 14-ნომრიანი ბუტიკი სასტუმრო, სპა ნომრებით და აუზებით, სადაც დამსვენებელი ამავე დროს იოგაშიც ივარჯიშებს. ჩვენი მიზანია, რომ მომხმარებელი აქ მთელი წლის განმავლობაში მოვიზიდოთ და წლის ყველა სეზონზე მათ ხარისხიანი სერვისი შევთავაზოთ. ამიტომ დავარქვით სასტუმროს Quadrum Ski and Yoga Resort,“ - ამბობს ხმიადაშვილი.

გამორჩეული დიზაინის გამო Quadrum Ski and Yoga Resort უცხოური გამოცემების ყურადღების ცენტრშიც მოექცა.

გუდაურში ხის კონტეინერებისგან დამზადებული სასტუმრო გაიხსნა

გუდაურში ხის კონტეინერებისგან დამზადებული სასტუმრო გაიხსნა

გუდაურში ხის კონტეინერებისგან დამზადებული სასტუმრო გაიხსნა

გუდაურში ხის კონტეინერებისგან დამზადებული სასტუმრო გაიხსნა

გუდაურში ხის კონტეინერებისგან დამზადებული სასტუმრო გაიხსნა

გუდაურში ხის კონტეინერებისგან დამზადებული სასტუმრო გაიხსნა

გუდაურში ხის კონტეინერებისგან დამზადებული სასტუმრო გაიხსნა

გუდაურში ხის კონტეინერებისგან დამზადებული სასტუმრო გაიხსნა